Conor McGregor ចង់ឡើងសង្វៀនជាមួយ Floyd Mayweather ម្តងទៀត
ការប្រកួតរវាងកីឡាករ Floyd Mayweather និង Conor McGregor អាចនឹងកើតឡើងម្តងទៀត បន្ទាប់ពីអ្នកប្រយុទ្ធ UFC ជនជាតិអៀរឡង់…
ការប្រកួតរវាងកីឡាករ Floyd Mayweather និង Conor McGregor អាចនឹងកើតឡើងម្តងទៀត បន្ទាប់ពីអ្នកប្រយុទ្ធ UFC ជនជាតិអៀរឡង់…
ការប្រកួតរវាងកីឡាករ Floyd Mayweather និង Conor McGregor អាចនឹងកើតឡើងម្តងទៀត បន្ទាប់ពីអ្នកប្រយុទ្ធ UFC ជនជាតិអៀរឡង់ បានប្រកាសថាខ្លួនចង់ប៉ះគ្នាជាមួយអ្នកប្រដាល់សកល ជនជាតិអាមេរិកាំងម្តងទៀត ។
បន្ទាប់ពីទទួលបានការកោតសរសើរពីអតីតម្ចាស់ជើងឯកពិភពលោក Mike Tyson ចំពោះជំនាញប្រដាល់របស់ខ្លួន តារាឆ្នើមរបស់ស្ថាប័ន UFC គឺកីឡាករ Conor McGregor បានសរសេរសារមួយក្នុងបណ្តាយទំនាក់ទំនងសង្គមរបស់ខ្លួនថា ការប្រកួតរវាងគេជាមួយ Mayweather គឺមិនអាចចៀសផុតបានឡើយ ហើយការជួបគ្នាម្តងនេះ នឹងមានលទ្ធផលខុសពីការជួបគ្នាលើកមុន ។ ដោយរូបគេប្រាកដថា ខ្លួនពិតជាអាចផ្តួលអ្នកប្រដាល់អាមេរិកវ័យ ៤៣ឆ្នាំរូបនេះ ។
ការជួបគ្នាលើកដំបូងរវាងអ្នកទាំងពីរ ត្រូវបានគេមើលឃើញថា ជាផ្ទាំងទស្សនីយភាពមួយ ជាងការប្រកួតប្រដាល់អាជីពពិតប្រាកដ ។ ប៉ុន្តែទោះជាយ៉ាងណាក៏ដោយការប្រកួតនេះ បានធ្វើឲ្យកីឡាកទាំងពីរកើបលុយបានយ៉ាងច្រើនសន្ធឹកសន្ធាប់ក្នុងអាជីពរបស់ខ្លួន ។
សូមរំលឹកថា ជំនួបលើកដំបូងរវាងកីឡាករទាំងពីរ បានកើតឡើងកាលពីថ្ងៃទី២៦ ខែសីហា ឆ្នាំ២០១៧ ដែលធ្វើឡើងនៅក្នុងកីឡដ្ឋាន T-Mobile Arena រដ្ឋ Nevada សហរដ្ឋអាមេរិក ។ ការប្រកួតនេះ បញ្ចប់ទៅដោយកីឡាករ Floyd Mayweather បានផ្តួលឲ្យកីឡាករ Conor McGregor បោះបង់ការប្រកួតត្រឹមទឹកទី១០ ។
ជំនួបនេះត្រូវបានគេហៅថា «The Money Fight» ឬ «The Biggest Fight in Combat Sports History» បន្ទាប់ពី Floyd Mayweather រកប្រាក់បានពីការប្រកួតនេះ ចំនួន ២៧៥លានដុល្លារ ខណៈដែល Conor McGregor រកបាន ១៣០លានដុល្លារ ៕ (ដកស្រង់ចេញពី BBC)
ចែករំលែកព័តមាននេះ