អាក្វាឌ័រ ៖ តាមប្រភពព័ត៌មាន CNN បានឱ្យដឹងថា ក្រសួងសុខាភិបាលរបស់ប្រទេសអាក្វាឌ័រ បានប្រកាសកាលពីថ្ងៃអាទិត្យថា ករណីដំបូងនៃជំងឺឆ្លងកូវីដ១៩ ត្រូវបានបញ្ជាក់នៅក្នុងសហគមន៍ជនជាតិដើមភាគតិច Waorani នៅក្នុងព្រៃអាម៉ាហ្សូនរបស់ប្រទេសនេះ។
យោងតាមក្រសួងបានឱ្យដឹងថា ករណីដែលត្រូវបានបញ្ជាក់ គឺជាស្ត្រីមានផ្ទៃពោះអាយុ ៧ ឆ្នាំ ដែលបានចាប់ផ្តើមបង្ហាញរោគសញ្ញាទាក់ទងនឹងវីរុសនេះនៅដើមខែឧសភា។
យោងតាមមន្ត្រីបានឱ្យដឹងថា ស្ត្រីវ័យក្មេងរូបនេះកំពុងត្រូវបានគេដាក់ឱ្យនៅដាច់ដោយឡែក ក្នុងមន្ទីរពេទ្យមួយក្នុងរដ្ឋធានី Quito របស់ប្រទេសនេះ។
ក្រុមក្រសួងសុខាភិបាលត្រូវបានបញ្ជូនទៅភូមិរបស់នាង ដើម្បីធ្វើតេស្តអ្នកផ្សេងទៀតដែលមានការសង្ស័យ និងធ្លាប់មានទំនាក់ទំនងជាមួយនឹងអ្នកជំងឺ។ យ៉ាងហោចណាស់មានមនុស្ស ៤០នាក់ត្រូវបានធ្វើតេស្ត និង៦នាក់មានការបង្ហាញពីរោគសញ្ញា។
រហូតមកដល់ពេលនេះ ប្រទេសអេក្វាឌ័របានចុះបញ្ជីករណីឆ្លងសរុបកូវីដ១៩ ចំនួន ៣៣,០០០ករណី និងមានករណីបាត់បង់ជីវិតសរុបចំនួន ២,៧៣៦ករណី៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ