ខេត្តកំពង់ធំ ៖ តាមសេចក្តីរាយការណ៍ឱ្យដឹងថា កាលពីវេលាម៉ោងប្រមាណ៥ និង៣០នាទីល្ងាចថ្ងៃទី១៨ ឧសភា មានករណីអំពើហិង្សាកើតឡើង នៅក្នុងពិធីមង្គលការមួយ ស្ថិតក្នុងភូមិព្រហ៊ូត ឃុំផាន់ញើម…
ខេត្តកំពង់ធំ ៖ តាមសេចក្តីរាយការណ៍ឱ្យដឹងថា កាលពីវេលាម៉ោងប្រមាណ៥ និង៣០នាទីល្ងាចថ្ងៃទី១៨ ឧសភា មានករណីអំពើហិង្សាកើតឡើង នៅក្នុងពិធីមង្គលការមួយ ស្ថិតក្នុងភូមិព្រហ៊ូត ឃុំផាន់ញើម ស្រុកប្រាសាទបល្ល័ង្ក ខេត្តកំពង់ធំ ដែលជនសង្ស័យបានប្រើប្រាស់ខ្សែក្រវ៉ាត់មានដាំមីញ៉ុងម៉ូតូខាងមុខ ធ្វើជាអាវុធវាយទៅលើជនរងគ្រោះបណ្តាលឲ្យរបួស ។
ជនសង្ស័យឈ្មោះ ហ៊ង គឹមហុង ភេទប្រុស អាយុ២៥ឆ្នាំ នៅភូមិផ្អាវ ឃុំផ្អាវស្រុកត្រពាំងប្រាសាទ ខេត្តឧត្តមានជ័យ (បានទៅស្នាក់នៅធ្វើជាកម្មករលើកគ្រប់ស្វាយចន្ទីនៅភូមិក្រញូង ឃុំផាន់ញើម) នោះ ។ ចំណែកជនរងគ្រោះឈ្មោះ យ៉ង ណូត ភេទប្រុស អាយុ១៩ឆ្នាំ រស់នៅភូមិតាមុំ ឃុំដូងស្រុកប្រា សាទបល្ល័ង្ក ខេត្តកំពង់ធំ ។
សេចក្តីរាយការណ៍បន្តថា នៅវេលាម៉ោងខាងលើ ជនសង្ស័យ និងជនរងគ្រោះ បានជួបជុំគ្នាក្នុងពិធីមង្គលការមួយស្ថិតក្នុងភូមិព្រហ៊ូត ហើយក៏មានផឹងស៊ីរហូតស្រវឹងរៀងខ្លួន ។ ពេលផឹកស៊ីស្រវឹងជនសង្ស័យ និងជនរងគ្រោះ បានរំលឹករឿងចាស់ពីអតីកាលដែលមានគំនុំចាក់ដោតមិនទាន់រំសាយ ពេលនោះទើបភាគីទាំងពីរមានទំនាស់ពាក្យសំដី ឈានដល់ការវាយតប់គ្នា ។
ប៉ុន្តែអ្វីដែលគេចាប់អារម្មណ៍នោះត្រង់ថា ជនសង្ស័យបានប្រើខ្សែក្រវ៉ាត់ដែលមានដាំមីញ៉ុងម៉ូតូ ហូតពីចង្កេះវាយទៅលើជនរងគ្រោះបណ្តាលឲ្យរបួសស្នាម ។ ទោះជាយ៉ាងណា ជនសង្ស័យក៏ត្រូវបានសមត្ថកិច្ចមូលដ្ឋានឃាត់ខ្លួនភ្លាមៗផងដែរ ក្នុងហេតុការវាយតប់គ្នានោះ ហើយបន្ទាប់មកសមត្តកិច្ចក៏បាននាំជនសង្ស័យទៅកាន់អធិការដ្ឋាននគរបាលស្រុក ដើម្បីបន្តនីតិវិធី ៕
ចែករំលែកព័តមាននេះ