រាជធានីភ្នំពេញ៖ ស្របពេលដែលប្រទេសកម្ពុជាស្ថិតក្នុងដំណាក់កាលអន្តរកាលនៃវីរុសឆ្លងកូវីដ-១៩ ក៏ដូចជាការរីករាលដាលជាសកលរបស់វិបត្តិកូវីដ១៩ ថ្មីៗនេះក្រសួងទេសចរណ៍កម្ពុជា បានអំពាវនាវដល់ម្ចាស់សណ្ឋាគារ និងសេវាកម្មស្នាក់នៅទេសចរណ៍ទាំងអស់នៅក្នុងប្រទេសឆក់យកឱកាសនេះ ដើម្បីកែលម្អគុណភាពក្នុងកន្លែងរបស់ខ្លួនអោយបានប្រសើរ ហើយក៏ដើម្បីខ្លួនក្រោយចប់វិបត្តិកូវីដ១៩ នៅពេលខាងមុខនេះ។
នៅក្នុងសេចក្តីប្រកាសរបស់ក្រសួងទេសចរណ៍បាននិយាយថា «ក្រសួងសូមអំពាវនាវដល់ម្ចាស់សណ្ឋាគារ និងសេវាកម្មស្នាក់នៅទេសចរណ៍ទាំងអស់ត្រៀមលក្ខណៈសម្បត្តិ ដោយពង្រឹងគុណភាពសេវាកម្មរបស់ខ្លួនឱ្យបានកាន់តែប្រសើរជាងមុន និងលើកទឹកចិត្តដល់ទីតាំងសណ្ឋាគារ និងសេវាកម្មស្នាក់នៅទេសចរណ៍ទាំងឡាយ ដែលបានធ្វើប្រតិប្តតិការអាជីវកម្មចាប់ពី១០ឆ្នាំឡើងទៅ» ។
កាលពីថ្មីៗកន្លងមកនេះ ក្រសួងតែងតែណែនាំដល់ម្ចាស់កន្លែងអាជីវកម្មទេសចរណ៍នានា ដើម្បីត្រៀមរៀបចំផែនការសង្គ្រោះវិស័យទេសចរណ៍ក្រោយវិបត្តជំងឺឆ្លងកូវីត-១៩ឡើងវិញ។
ក្រសួងបានបញ្ជាក់ដែលនូវមូលដ្ឋានអាជីវកម្មទេសចរណ៍ខ្លះៗដែលពាក់ព័ន្ធដូចជា (សណ្ឋាគារ, ផ្ទះសំណាក់, ភោជនីយដ្ឋាន, ការីទេសចរណ៍/ភ្នាក់ងារទេសចរណ៍, មណ្ឌលកម្សាន្តមនុស្សពេញវ័យ, រមណីយដ្ឋាន, ម៉ាស្សា/ស្ប៉ា, ដឹកជញ្ជូនទេសចរណ៍, កីឡាទេសចរណ៍, ផ្សេងៗ…)។
ក្នុងសេចក្តីប្រកាសបានបន្ថែមទៀតថា «ក្រសូងមានចក្ខុវិស័យសុទិដ្ឋិនិយមថា វិស័យទេសចរណ៍កម្ពុជា នឹងវិលត្រឡប់ទៅរកភាពប្រសើរឡើងវិញ ក្រោយវិបត្តិនៃការរីករាលដាលជាសកលនេះ ស្របតាមយុទ្ធនាការ «Stay Home Today, Travel Tomorrow»។
ក្រសួងបានបន្តថា ក្នុងបរិបទនេះ ភ្ញៀវទេសចរណ៍ជាតិ និងអន្តរជាតិ នឹងមានតម្រូវការកាន់តែខ្ពស់នូវគុណភាពសេវាកម្ម ជាពិសេសការយកចិត្តទុកដាក់ចំពោះអនាម័យ សុវត្ថិភាព សេវាកម្ម និងផលិតផលទេសចរណ៍ ដើម្បីបង្កើនគុណភាព និងដូចជាលក្ខណៈសម្បត្តិដើម្បីអាចបង្កើនលទ្ធភាពទទួលបានការវាយតម្លៃចំណាក់ថ្នាក់ សណ្ឋាគារ និងសេវាកម្មស្នាក់នៅទេសចរណ៍ ក្នុងកម្រិតប្រសើរជាងមុន (កើនលំដាប់ផ្កាយ)។
វិបត្តិកូវីដ១៩នេះ មានរយះពេលអូសបន្លាយជាច្រើនខែមកហើយ ដោយវបត្តិនេះត្រូវបានកាត់បន្ថយនូវភ្ញៀវទេសចរណ៍ក្នុងស្រុក និងក្រៅស្រុកអោយចូលមកទស្សនាក្នុងប្រទេសកម្ពុជា ហើយវិបត្តិនេះមានជាសាកល ។
យ៉ាងណាមិញ ថ្មីៗនេះសណ្ឋាគារធំៗជាច្រើនលំដាប់ផ្គាយ ៤ និងផ្គាយ៥ នៅក្រុងភ្នំពេញ និងខេត្តសៀមរាបបានបិទទ្វារជាបន្តបន្ទាប់ ហើយខ្លះក៏បានព្យូរការងារបុគ្គលិកជាច្រើនផងដែរ ដោយសារតែវិបត្តិកូវីដ-១៩ ធ្វើឲ្យមានការធ្លាក់ចុះជាខ្លាំងនៃភ្ញៀវទេសចរបរទេសមកលេងកំសាន្តនៅកម្ពុជា ៕
ចែករំលែកព័តមាននេះ