ប្រទេសចិន-អាមេរិក ៖ យោងតាមAFPថា ទោះបីអាជ្ញាធរចិនចាប់ផ្ដើមទទួលស្គាល់ភាពច្រឡោះប្រហោងនានារបស់ខ្លួន ក្នុងការបង្ការជំងឺឆ្លងនានា តែបានការពារខ្លួនយ៉ាងម៉ឺងម៉ាត់ ប្រឆាំងការចោទប្រកាន់ទាំងឡាយរបស់លោកដូណាល់ត្រាំ។ បណ្ដាមេដឹកនាំចិនពិតណាស់ រងការការរិះគន់ច្រើននៅអឹរ៉ុបនិងនៅសហរដ្ឋអាមេរិក លើការគ្រប់គ្រងការឆ្លងរាលដាលនៃវីរុសCOVID-19។…
ប្រទេសចិន-អាមេរិក ៖ យោងតាមAFPថា ទោះបីអាជ្ញាធរចិនចាប់ផ្ដើមទទួលស្គាល់ភាពច្រឡោះប្រហោងនានារបស់ខ្លួន ក្នុងការបង្ការជំងឺឆ្លងនានា តែបានការពារខ្លួនយ៉ាងម៉ឺងម៉ាត់ ប្រឆាំងការចោទប្រកាន់ទាំងឡាយរបស់លោកដូណាល់ត្រាំ។ បណ្ដាមេដឹកនាំចិនពិតណាស់ រងការការរិះគន់ច្រើននៅអឹរ៉ុបនិងនៅសហរដ្ឋអាមេរិក លើការគ្រប់គ្រងការឆ្លងរាលដាលនៃវីរុសCOVID-19។
រដ្ឋអំណាចចិននិយាយថា ខ្លួនអាចគ្រប់គ្រងសមស្របចំពោះការឆ្លង។ វិន័យ និងការបង្ខាំងមនុស្សជាទូទៅត្រូវបានគោរពហ្មត់ចត់ក្នុងចំណោមប្រជាជនចិន ហើយទទួលបានលទ្ធផលវិជ្ជមាននានា។
គេបានចោទប្រកាន់ចិន ពីសកម្មភាពមិនគ្រប់គ្រាន់របស់ខ្លួនប្រឆាំងវីរុស តែរដ្ឋអំណាចចិនបានបដិសេធ។ ពិសេសចិនមិនទទួលស្គាល់ដែលគេចោទថាប្រកាសអាសន្នពីការឆ្លងកាលពីខែមករាមានការយឺតយ៉ាវនៅក្រុងវូហាន ។ ម្យ៉ាងទៀតចំនួនអ្នកស្លាប់បណ្ដាលមកពីវីរុសនៅចិន ដែលមកដល់ពេលនេះមានត្រឹម ៤.៦៣៣នាក់ក៏់ ពុំសូវមានការជឿជាក់ក្នុងចំណោមអ្នកវិទ្យាសាស្ត្រអន្តរជាតិជាច្រើន ។
អំពើប្រភពនៃការចម្លងវីរុសចិនអាចកំពុងវាយតម្លៃ។ ជាការឆ្លើយតបចំះពោះសំណើរបស់អាមេរិកនិងអូស្ត្រាលី ចិនបានបដិសេធរាល់ការសើុបអង្កេតអន្តរជាតិ លើការលេចចេញវីរុសនោះនៅលើដែនដីខ្លួន។ កាលពីខែមីនា ក្រុងប៉េកាំងបានបញ្ចេញសំឡេងផ្លូវការនានា ពីការសង្ស័យដែលវីរុសនោះ អាចនាំមកកាន់ចិនដោយពួកអាមេរិកដែលមកចូលរួម ក្នុងការប្រកួតកីឡាពិភពលោករបស់កងយោធា ដែលប្រព្រឹត្តទៅកាលពីខែតុលានៅក្រុងវូហាន។ ប្រធានបទនោះត្រូវបានចេញផ្សាយក្នុងសារព័ត៌មាននៅចិន ដែលពេលនេះហាក់ដូចជាយល់ស្របតាមដោយប្រជាជនចិន។
ចិនមានអ្នកឆ្លងវីរុសថ្មី៧នាក់ទៀត
អាជ្ជាធរសុខាភិបាលចិន គូសបញ្ជាក់កាលពីថ្ងៃទី១៨ឧសភាថា មានអ្នកឆ្លងវីរុសថ្មី៧នាក់ទៀត ត្រូវបានអះអាងនាថ្ងៃទី១៧ឧសភានៅចិនដីគោក នាំឲ្យចំនួនអ្នកឆ្លងសរុបក្នុងប្រទេសនេះ ឡើងដល់៨២.៩៥៤នាក់ចាប់តាំងពីមានការឆ្លងមក។
គណៈកម្មាធិការសុខាភិបាលជាតិចិនក្នុងសន្និសីទសារព័ត៌មានប្រចាំថ្ងៃរបស់ខ្លួន បញ្ជាក់ថា អ្នកឆ្លងថ្មី៤នាក់ជាអ្នកឆ្លងក្នុងស្រុក ហើយ៣នាក់ជាអ្នកនាំចូលពីបរទេស។ ពុំមានអ្នកស្លាប់ថ្មីត្រូវបានរាយការណ៍ឡើយ ខណៈចំនួនអ្នកស្លាប់ផ្លូវការក្នុងប្រទេសនោះ មាន ៤.៦៣៤នាក់៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ