កាណាដា៖ យ៉ាងហោចណាស់មានមនុស្សម្នាក់បានស្លាប់បន្ទាប់ពីយន្តហោះប្រតិកម្មរបស់កងទ័ពអាកាសកាណាដាបានធ្លាក់ប៉ះចំផ្ទះអ្នកស្រុកម្នាក់ ដែលហេតុការណ៍នេះបានបណ្តាលឲ្យសមាជិកនាវិកម្នាក់ទៀតរងរបួសនៅពេលដែលយន្ដហោះបុកផ្ទះមួយនៅក្រុង Kamloops នៃរដ្ឋ British Columbia ។ នេះបើតាមការចុះផ្សាយរបស់ BBC ថ្ងៃទី ១៨ ឧសភា ។
យោងតាមគេហទំព័ររបស់ក្រុមនេះបានអោយដឹងថាយន្ដហោះ Snowbirds បានធ្វើដំណើរកម្សាន្តមួយដើម្បី «បង្ហាញការគោរពអរគុណដល់ប្រជាជនកាណាដាដែលបានចូលរួមក្នុងការប្រយុទ្ធប្រឆាំងនឹងការរីករាលដាលនៃ Covid-19 »។ Snowbirds សំដែងកាយវិការបែបរ៉ូមែនទិកសម្រាប់សាធារណជនស្រដៀងនឹងព្រួញក្រហមនៅចក្រភពអង់គ្លេស ឬអាមេរិកខៀវ។
ការធ្លាក់យន្តនេះបានកើតឡើងនៅព្រឹកថ្ងៃអាទិត្យភ្លាមៗបន្ទាប់ពីយន្តហោះនេះបានហោះឡើងលើអាកាស។
កងអនុសេនាធំទ័ពអាកាសកាណាដាបាននិយាយនៅក្នុងបណ្តាញសង្គម Twitter ថា «វាពិតជាគួរស្លុតចិត្តដែលយើងត្រូវប្រកាសថាសមាជិកម្នាក់នៃក្រុម CF Snowbirds បានស្លាប់ហើយម្នាក់ទៀតបានរងរបួសធ្ងន់ធ្ងរ» ដោយសារការធ្លាក់យន្តហោះតូចនេះ ។ ក្រោយមកកងទ័ពអាកាសបាននិយាយថាការរបួសរបស់សមាជិកនាវិកម្នាក់ទៀតនោះគឺមិនធ្ងន់ធ្ងរ ឬមានការគំរាមកំហែងដល់អាយុជីវិតឡើយ ។
វីដេអូដែលបានបង្ហោះនៅលើបណ្តាញសង្គម Twitter បានបង្ហាញពីយន្ដហោះពីរបានហោះឡើងទៅ
លើអាកាស មុនពេលដែលភ្លើងឆេះយន្តហោះមួយនោះ ។ សាក្សី Annette Schonewille បានប្រាប់ CBC News ថា «មិនមានលឺសម្លេងរំខានទេ។ វាពិតជាចម្លែកហើយបន្ទាប់មកយន្តហោះនោះគ្រាន់មានផ្សែងហុយឡើងហើយក៏ធ្លាក់ពីលើមេឃ និងផ្ទុះឡើង» ៕
ចែករំលែកព័តមាននេះ