រាជធានីភ្នំពេញ ៖ បើសេចក្តីរាយការណ៍បានឱ្យដឹងថា អតីតតារាកំប្លែងជើងចាស់ម្នាក់ឈ្មោះរស់ សុធារី ហៅ ខ្មឹប ដែលមានឈ្មោះល្បីគួរសមម្នាក់ និងបាត់មុខអស់រយៈពេលជាច្រើនឆ្នាំមកហើយនោះ រួមទាំងមនុស្សប្រុស-ស្រីចំនួន៦នាក់ដែលសរុបទាំងអស់៧នាក់…
រាជធានីភ្នំពេញ ៖ បើសេចក្តីរាយការណ៍បានឱ្យដឹងថា អតីតតារាកំប្លែងជើងចាស់ម្នាក់ឈ្មោះរស់ សុធារី ហៅ ខ្មឹប ដែលមានឈ្មោះល្បីគួរសមម្នាក់ និងបាត់មុខអស់រយៈពេលជាច្រើនឆ្នាំមកហើយនោះ រួមទាំងមនុស្សប្រុស-ស្រីចំនួន៦នាក់ដែលសរុបទាំងអស់៧នាក់ ត្រូវកម្លាំងនគរបាលនៃអធិការនគរបាលខណ្ឌដូនពេញ ចាប់ឃាត់ខ្លួន ព្រមទាំងដកហូតថ្នាំញៀនចំនួន១៥កញ្ចប់ និងវត្ថុតាងមួយចំនួនទៀតផងដែរ។
ប្រតិបត្តិការនេះបានធ្វើឡើងកាលពីម៉ោង៥ល្ងាច ថ្ងៃទី១៦ ខែឧសភា ឆ្នាំ២០២០ ស្ថិតនៅចំណុចក្បែរបារតុមុខ ផ្លូវជាតិលេខ៥ ក្នុងភូមិ១៦ សង្កាត់ស្រះចក។
តាមប្រភពពីសមត្ថកិច្ចបានប្រាប់ឱ្យដឹងថា ជនសង្ស័យប្រុសស្រីទាំង៧នាក់ ក្នុងនោះស្រី៣នាក់ខាងលើនេះមាន ១-ឈ្មោះ ឈួន សំណាង ភេទប្រុស អាយុ២៦ឆ្នាំ មុខរបរមិនពិតប្រាកដ ស្នាក់នៅទីតាំងខាងលើ (ជួញដូរ) ២-ឈ្មោះ ឈួន រ៉ាទី ភេទស្រី អាយុ១៦ឆ្នាំ ស្នាក់នៅទីតាំងខាងលើ មុខរបរមិនពិតប្រាកដ (ប្រើប្រាស់)
៣-ឈ្មោះ វណ្ណា វណ្ណី ភេទប្រុស អាយុ៣០ឆ្នាំ ស្នាក់នៅនិងមុខរបរមិនពិតប្រាកដ (ប្រើប្រាស់) ៤-ឈ្មោះ រ៉េន សុធារី (ហៅ ខ្មឹប) ភេទស្រី អាយុ៤៦ឆ្នាំ ស្នាក់នៅនិងមុខរបរមិនពិតប្រាកដ (ប្រើប្រាស់) ៥-ឈ្មោះ ប្រាក់ បញ្ញា ភេទប្រុស អាយុ១៩ឆ្នាំ ស្នាក់នៅនិងមុខរបរមិនពិតប្រាកដ (ប្រើប្រាស់)
៦-ឈ្មោះ មុត បញ្ញា ភេទប្រុស អាយុ៣០ឆ្នាំ ស្នាក់នៅនិងមុខរបរមិនពិតប្រាដក (ប្រើប្រាស់) និង៧-ឈ្មោះ ម៉ៅ ម៉ាប់ ភេទស្រី អាយុ៣៥ឆ្នាំ ស្នាក់នៅនិងមុខរបរមិនពិតប្រាកដ (ប្រើប្រាស់)។
សមត្ថកិច្ចបន្តថា ក្នុងប្រតិបត្តិការបង្ក្រាបគ្រឿងញៀនខាងលើនេះដែរ កម្លាំងមានសមត្ថកិច្ចក៏បានធ្វើការដកហូតបានវត្ថុតាងមាន ម្សៅក្រាមពណ៌សថ្លាចំនួន១៥កញ្ចប់តូច, ថង់ប្លាស្ទិចសំរាប់ច្រកគ្រឿងញៀនមួយចំនួន និងឧបករណ៍ប្រើប្រាស់គ្រឿងញៀនមួយចំនួនទៀតផងដែរ។
ប្រភពដដែលបានបន្តទៀតថា ពាក់ព័ន្ធនឹងការបង្ក្រាបគ្រឿងញៀននេះ គឺក្នុងចំណោមក្រោយក្រុមជនសង្ស័យពាក់ព័ន្ធគ្រឿងញៀនប្រុសស្រីទាំង៧នាក់នោះ ក៏មានស្ត្រីជាអតីតអ្នកកំប្លែងម្នាក់ឈ្មោះ រ៉េន សុធារី ហៅនាងខ្មឹប ជាអ្នកប្រើប្រាស់ផងដែរ។
ក្រោយពីប្រតិបត្តិការបង្ក្រាបគ្រឿងញៀនខាងលើនេះ ជនសង្ស័យជាប់ពាក់ព័ន្ធគ្រឿងញៀនប្រុស ស្រីទាំង៧នាក់ និងថ្នាំញៀនចំនួន១៥កញ្ចប់តូច រួមទាំងវត្ថុតាងមួយចំនួនទៀត ក៏បានបញ្ជូនទៅកាន់អធិការដ្ឋាននគរបាលខណ្ឌដូនពេញ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ អនុវត្តតាមនីតិវិធីច្បាប់ជាបន្តទៀត។
ចែករំលែកព័តមាននេះ