នាយករដ្ឋមន្ត្រី សុំបន្តដាក់ប្រទេសក្នុងភាពអាសន្នមួយរយៈទៀត
ប្រទេសអេស្ប៉ាញ ៖ តាមប្រភពព័ត៌មាន CNN បានឱ្យដឹងថា នាយករដ្ឋមន្ត្រីអេស្ប៉ាញ លោក Pedro Sanchez បានប្រកាសកាលពីថ្ងៃសៅរ៍ថា…
ប្រទេសអេស្ប៉ាញ ៖ តាមប្រភពព័ត៌មាន CNN បានឱ្យដឹងថា នាយករដ្ឋមន្ត្រីអេស្ប៉ាញ លោក Pedro Sanchez បានប្រកាសកាលពីថ្ងៃសៅរ៍ថា…
ប្រទេសអេស្ប៉ាញ ៖ តាមប្រភពព័ត៌មាន CNN បានឱ្យដឹងថា នាយករដ្ឋមន្ត្រីអេស្ប៉ាញ លោក Pedro Sanchez បានប្រកាសកាលពីថ្ងៃសៅរ៍ថា រដ្ឋាភិបាលអេស្ប៉ាញ នឹងស្នើសុំសភារយៈពេលមួយខែទៀតសម្រាប់បន្តការដាក់ប្រទេសក្នុងភាពអាសន្ន។
លោក Sanchez បានមានប្រសាសន៍ថា៖ «រដ្ឋាភិបាលអេស្ប៉ាញ នឹងស្នើសុំឱ្យសភា បន្តការដាក់ប្រទេសក្នុងភាពអាសន្ន ដែលមានលក្ខណៈប្លែកពីស្ថានភាពបច្ចុប្បន្ន ដោយសារតែស្ថានភាពពេលនេះគឺមានការប្រែប្រួលហើយ។ គេមានគោលបំណងបន្តការដាក់ប្រទេសក្នុងភាពអាសន្ន រហូតដល់មានការឈប់កើនឡើងករណីឆ្លង ហើយដោយសារតែដូច្នោះហើយ បានជាពួកយើងស្នើទៅសភាថាឱ្យដាក់ប្រហែលជា ១ខែ ជំនួសឱ្យរយៈពេល១៥ថ្ងៃ»។
លោកនាយករដ្ឋមន្ត្រីមានប្រសាសន៍ថា សិទ្ធិនៃការធ្វើដំណើរនៅមានកម្រិតនៅឡើយសម្រាប់រយៈពេលប៉ុន្មានសប្តាហ៍ទៅមុខទៀត ហើយតំបន់ខ្លះនៃប្រទេសអាចនឹងចាកចេញពីការដាក់ប្រទេសក្នុងភាពអាសន្នមុនការកំណត់រៀងៗខ្លួន។
លោកនាយករដ្ឋមន្ត្រី Sanchez ក៏បាននិយាយផងដែរថា ការបន្ធូរបន្ថយការរឹតបន្តឹងជាបណ្តើរៗ នឹងបន្តកើតមាននៅពាក់កណ្តាលប្រទេស រហូតដល់ដើមរដូវក្តៅ ខណៈដែលតំបន់ផ្សេងៗទៀតក្នុងប្រទេសនឹងបញ្ចប់មួយ ឬពីរសប្តាហ៍ក្រោយមក ប្រសិនបើមិនមានការកើនឡើងនៃករណីឆ្លងកូវីដ១៩។
ជាមួយគ្នានេះដែរ លោកនាយករដ្ឋមន្ត្រីក៏បានលើកឡើងពីស្ថានភាពសេដ្ឋកិច្ច ជាពិសេសវិស័យទេសចរណ៍ ដែលមានចំនួន ១២.៣% នៃ GDP របស់ប្រទេស និងផ្តល់ការងារដល់ប្រជាជនចំនួន ២.៦លាននាក់។
បើទោះបីជាវិស័យនេះសំខាន់ក៏ដោយ លោកក៏បានពន្យល់ថា អេស្ប៉ាញក៏មិនគួរប្រញាប់បើកទ្វារទទួលភ្ញៀវទេសចរដែរ ដោយប្រទេសនេះត្រូវតែងើបចេញពីស្ថានភាពអាសន្ននៃការឆ្លងមេរោគកូវីដ១៩នេះជាមុនសិន៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ