ជនជាតិវៀតណាមម្នាក់ចេញពីខេត្តសៀមរាប តេស្តវិជ្ជមានកូវីដ១៩ នៅវៀតណាម
ប្រទេសវៀតណាម ៖ សារព័ត៌មានវៀតណាម បានរាយការណ៍កាលពីថ្ងៃទី ១៦ ខែឧសភា ឆ្នាំ២០២០ នេះថា ប្រទេសវៀតណាម បានរកឃើញអ្នកកើតមេរោគកូវីដ-១៩…
ប្រទេសវៀតណាម ៖ សារព័ត៌មានវៀតណាម បានរាយការណ៍កាលពីថ្ងៃទី ១៦ ខែឧសភា ឆ្នាំ២០២០ នេះថា ប្រទេសវៀតណាម បានរកឃើញអ្នកកើតមេរោគកូវីដ-១៩…
ប្រទេសវៀតណាម ៖ សារព័ត៌មានវៀតណាម បានរាយការណ៍កាលពីថ្ងៃទី ១៦ ខែឧសភា ឆ្នាំ២០២០ នេះថា ប្រទេសវៀតណាម បានរកឃើញអ្នកកើតមេរោគកូវីដ-១៩ ចំនួន៤ករណីថែមទៀត ដែលក្នុងនោះមានជនជាតិវៀតណាមម្នាក់ដែលទើបមកពីខេត្តសៀមរាប នៃប្រទេស កម្ពុជា ផងដែរ ។
យោងតាមការចុះផ្សាយរបស់តាមសារព័ត៌មាន VN EXPRESS បានឲ្យដឹងថា ជនជាតិវៀតណាម ៤ នាក់ដែលត្រឡប់មកពីបរទេស ក្នុងនោះមាន ២នាក់មកពីរុស្ស៊ី ម្នាក់មកពីហ្វីលីពីន និងបុរសវ័យ ៣៩ ឆ្នាំម្នាក់មកពីខេត្តសៀមរាប ប្រទេសកម្ពុជា ត្រូវបានរកឃើញវិជ្ជមានវីរុសកូវីដ-១៩ នាំឲ្យការឆ្លងវីរុសមួយនេះនៅប្រទេសវៀតណាម បានហក់ឡើងដល់ ៣១៨ និងករណីសកម្មដល់ ៥៨ ករណី។
ប្រភពដដែលបានបញ្ជាក់ថា « អ្នកជំងឺទី៣១៥» គឺជាបុរសអាយុ ៣៩ ឆ្នាំ នៅស្រុកតាន់ចូ ក្នុងខេត្តតាញិញ ជាប់ព្រំដែនប្រទេសកម្ពុជា ។ បុរសវៀតណាមខាងលើ បានមកកាន់កម្ពុជា កាលពីថ្ងៃទី១០ ខែមករាដើម្បីបម្រើការងារ ។ រហូតដល់ថ្ងៃទី ២ ខែឧសភា បុរសខាងលើបានធ្វើដំណើរចូលទឹកដីវៀតណាមវិញដោយខុសច្បាប់តាមផ្លូវលំ។
បុរសជនជាតិវៀតណាមដែលចេញពីកម្ពុជា និងបានរកឃើញថាមានវីរុសកូវីដ-១៩ បានធ្វើតេស្តលើកទី ១ កាលពីថ្ងៃទី ៥ ឧសភា តែលទ្ធផលអវិជ្ជមាន។ រហូត ១០ ថ្ងៃក្រោយការធ្វើតេស្តលើកទី ២ គឹចំថ្ងៃទី ១៥ ខែឧសភា គឺលទ្ធផលបានបង្ហាញថាគាត់បានឆ្លងវីរុសកូវីដ-១៩ នេះ ។
ជុំវិញករណីនេះ នៅមិនទាន់អាចសុំការបញ្ជាក់បន្ថែមពីអ្នកនាំពាក្យក្រសួងសុខាភិបាលកម្ពុជាលោក ជំទាវ ឱ វណ្ណឌីន នៅឡើយទេនៅព្រឹកថ្ងៃទី ១៧ ឧសភានេះ ៕ ដកស្រង់ចេញពីវេបសាយ ៖ tuoitrenews (កែសម្រួលដោយ ៖ បុប្ផា)
ចែករំលែកព័តមាននេះ