រាជធានីភ្នំពេញ ៖ សម្ដេចពិជ័យសេនា ទៀ បាញ់ បានបន្តអំពាវនាវដល់កងទ័ពទាំងអស់ត្រូវតែប្រកាន់ភ្ជាប់នូវវិធានការការពារឆ្លងជំងឺកូវីដ១៩ ខណៈជំងឺប្រភេទនេះនៅមានការឆ្លងកម្រិតខ្ពស់។ ការលើកឡើងរបស់សម្ដេចពិជ័យសេនាទៀ បាញ់ ខណៈពេលដែលកម្ពុជាបានព្យាបាលជំងឺកូវីដ១៩ជាសះស្បើយចំនួន១២២នាក់…
រាជធានីភ្នំពេញ ៖ សម្ដេចពិជ័យសេនា ទៀ បាញ់ បានបន្តអំពាវនាវដល់កងទ័ពទាំងអស់ត្រូវតែប្រកាន់ភ្ជាប់នូវវិធានការការពារឆ្លងជំងឺកូវីដ១៩ ខណៈជំងឺប្រភេទនេះនៅមានការឆ្លងកម្រិតខ្ពស់។
ការលើកឡើងរបស់សម្ដេចពិជ័យសេនាទៀ បាញ់ ខណៈពេលដែលកម្ពុជាបានព្យាបាលជំងឺកូវីដ១៩ជាសះស្បើយចំនួន១២២នាក់ ក្នុងចំណោមអ្នកឆ្លងសរុបទាំងអស់១២២នាក់កាលពីថ្ងៃទី១៦ ឧសភាកន្លងមកនេះ។
សម្ដេចទៀ បាញ់ បានបញ្ជាក់លើបណ្ដាញសង្គមហ្វេសប៊ុកនៅថ្ងៃទី១៦ ឧសភា យ៉ាងដូច្នេះថា៖ «ស្ថានភាពនៃការគំរាមកំហែងពីមេរោគ COVID-19 គឺនៅមានកំរិតខ្ពស់នៅឡេីយ។ ជាក់ស្ដែង អត្រាចម្លងថ្មី និងមរណ:ភាព មានចំនួនកេីនឡេីងជាលំដាប់ នៅតាមបណ្តាប្រទេសនានា។ ដូចនេះសូមក្មួយៗកងទ័ព និងបងប្អូនប្រជាពលរដ្ឋ កុំមានការធ្វេសប្រហែសឱ្យសោះ ត្រូវថែទាំសុខភាពឱ្យបានល្អ និងអនុវត្តឱ្យបានខ្ជាប់ខ្ជួននូវវិធានការនានា ដែលក្រសួងសុខាភិបាលបានណែនាំ ដេីម្បីការពារការចម្លង មេរោគ COVID-19» ។
សូមជម្រាបថា ក្រុមគ្រូពេទ្យពេទ្យបានព្យាបាលអ្នកឆ្លងជំងឺកូវីដ១៩បានជាសះស្បើយអស់ហើយកាលពីថ្ងៃទី១៦ ឧសភា កន្លងមកនេះ ក៏ប៉ុន្តែទាំងរាជរដ្ឋាភិបាលនិងក្រសួងសុខាភិបាលនៅតែបន្តអំពាវនាវប្រជាពលរដ្ឋទាំងអស់ត្រូវតែបន្តអនុវត្តនៃវិធានការក្នុងការការពារទប់ស្កាត់ជំងឺឆ្លងកូវីដ១៩ ដែលដើម្បីចៀសវាងការឆ្លងជាលើកទី២ ៕ (កែសម្រួលដោយ ៖ ធីតា)
ចែករំលែកព័តមាននេះ