ក្នុងឱកាសបុណ្យចូលឆ្នាំខ្មែរ…ចំពេលដែលមេរោគកូវីដ១៩រាតត្បាត…គ្រប់ប្រទេសលើសកលលោក…ជាពិសេសប្រទេសថៃ និងកម្ពុជា…ឯកភាពបិទព្រំដែនទាំងច្រកអន្តរជាតិ និងច្រករបៀង ។
ទោះបីបិទព្រំដែនយ៉ាងនេះក៏ដោយ…ក៏លោកពលករខ្មែរលើកគ្នាចេញពីប្រទេសថៃចូលកម្ពុជា…ទប់អត់ឈ្នះទេ ទាំងយប់ទាំងថ្ងៃ…និយាយគ្នាស្តាប់លែងបាន ។
តាមកត់សម្គាល់…អាជ្ញាធរថៃតាមព្រំដែនគ្រប់គ្រងច្បាស់លាស់…ក្រសោបពលករខ្មែរដែលចង់ឆ្លងដែន…រុញឱ្យកម្ពុជាទទួល អត់រត់រួចម្នាក់ទេ…អ្នកឯងចង់ទៅស្រុកវិញទៅ…ទៅ !
ក្រោយបុណ្យចូលឆ្នាំបានចប់សព្វគ្រប់…លោកពលករខ្មែរខ្លះនោះ…ទោះបីដឹងថាព្រំដែនទាំង២នៅបន្តបិទក្តី…ទោះបីដឹងថាកិច្ចការពារមេរោគរាតត្បាតកូវីដ១៩នៅបន្តរិតបន្តឹងក្តី…មានមួយចំនួន ដូចជាមិនចេះរស់នៅក្នុងស្រុកទេ…ដូចជាផ្គើននឹងបំរាម…បានបបួលគ្នីគ្នាឆ្លងព្រំដែនតាមច្រករបៀងខ្លះទៅប្រទេសថៃវិញ…ត្រូវបានអាជ្ញាធរព្រំដែនថៃចាប់ប្រមូលទុកម្តុំ…អត់មានរត់រួចម្នាក់ណាទេ…រុញច្រានទាំងក្រុមប្រគល់ឱ្យអាជ្ញាធរព្រំដែនខ្មែរ…យកពលរដ្ឋលោកឯងវិញទៅ !!
មហាជនសំដែងការងឿងឆ្ងល់ថា…េហតុអីអាជ្ញាធរការពារព្រំដែនភាគីខាងកម្ពុជាចំណុចខ្លះ…ម៉េចមិនដឹង មិនឃើញមនុស្សលួចឆ្លងដែន ? តើពលកររឹងរូសទាំងនោះចេះវេទមន្តកំបាំងកាយ…ឬចេះខាបព្រលឹងអ្នកយាមព្រំដែន ? និយាយតែច្រករបៀងដែលពលករខ្មែរឆ្លងចូលផុតទៅ…ត្រូវភាគីថៃចាប់ទុកម្តុំប៉ុន្មានថ្ងៃមុន ។
ចង់សំដែងមតិថា…បើឱ្យយាមព្រំដែនក្នុងប្រទេសមានសន្តិភាពបែបនេះ…អត់ដឹងអត់ឃើញមនុស្សលួច
ចេញចូល…តើគួរទុកចិត្ត គួរកក់ក្តៅដូចអាំងផេះទៀតដែរឬអត់ ? សង្ស័យបានឃើញដែរ…ឃើញតែម្នាក់ដែលជាមេខ្យល់រត់ទៅសួរសុខទុក្ខ តើមែនទេ ។
យ៉ាងណាក៏ដោយ…គ្មានវាចានឹងថ្លែងឱ្យអស់បានឡើយ…មានតែចរិតសំដែងការអៀនខ្មាស់ចំពោះភាគីថៃការពារព្រំដែនមើលគ្នាឃើញតែប៉ុណ្ណោះ…ឱ !វរៈការពារព្រំដែនខ្មែរអើយ…គួរឱ្យខ្មាស់អៀនណាស់…ម្ចាស់ ថ្លៃ !…េហ ! េហ !
ចែករំលែកព័តមាននេះ