ការផ្ទុះជំងឺកូវីដ ១៩ បានផ្លាស់ប្តូរការរស់នៅប្រចាំថ្ងៃរបស់មនុស្សជុំវិញពិភពលោក ប៉ុន្តែអ្វីដែលមនុស្សស្ទើរតែគ្រប់គ្នាកំពុងជួបប្រទះរួមមាន ស្ត្រេសរឿងប្រាក់ចំណូលដែលត្រូវបានប៉ះពាល់ដោយកូវីដ ១៩ និងស្ត្រេសដែលកើតឡើងពីការស្តាប់ ឬអានព័ត៌មានពីកូវីដ ១៩ ជារៀងរាល់ថ្ងៃ…
ការផ្ទុះជំងឺកូវីដ ១៩ បានផ្លាស់ប្តូរការរស់នៅប្រចាំថ្ងៃរបស់មនុស្សជុំវិញពិភពលោក ប៉ុន្តែអ្វីដែលមនុស្សស្ទើរតែគ្រប់គ្នាកំពុងជួបប្រទះរួមមាន ស្ត្រេសរឿងប្រាក់ចំណូលដែលត្រូវបានប៉ះពាល់ដោយកូវីដ ១៩ និងស្ត្រេសដែលកើតឡើងពីការស្តាប់ ឬអានព័ត៌មានពីកូវីដ ១៩ ជារៀងរាល់ថ្ងៃ ។ខាងក្រោមនេះ គឺជាកិច្ចការមួយចំនួនដែលអ្នកអាចធ្វើដើម្បីសន្សំលុយ និងបង្វែរអារម្មណ៍អ្នកចេញពីកូវីដ ១៩ មួយរយៈសិន ៖
១. កត់ចំណាំនូវចំណាយ
អ្នកគួរតែទុកពេលវេលាសម្រាប់ការសរសេរទុកនូវអ្វីដែលអ្នកចាយវាយលើចាប់ពីពេលនេះតទៅ អ្វីដែលអ្នកចាយវាយលើតិចជាងមុន និងអ្វីដែលអ្នកចង់ផ្លាស់ប្តូរក្នុងទម្លាប់ចាយវាយរបស់អ្នក ។ វានឹងជួយឲ្យអ្នកយល់ដឹងបន្ថែមពីអ្វីដែលអ្នកផ្តល់តម្លៃលើជាងគេ និងដឹងថាវាមានខុសពីពេលមុនមានការផ្ទុះកូវីដ ១៩ ដែរ ឬទេ ។
២. រៀបចំវិធីតាមដានការចាយវាយ
អ្នកត្រូវតែរៀបចំវិធីតាមដានការចាយវាយរបស់អ្នកជារៀងរាល់ថ្ងៃ ឬរៀងរាល់សប្តាហ៍ ។ អ្នកអាចធ្វើវាបានដោយងាយលើកូនសៀវភៅតូចមួយ ឬលើកុំព្យូទ័ររបស់អ្នក ។ វានឹងជួយឲ្យអ្នកយល់ដឹងពីការសម្របខ្លួនរបស់អ្នកទៅនឹងស្ថានការថ្មី ។
៣. សរសេរទុកពីទម្លាប់ល្អៗដែលអ្នកចង់មាន
មនុស្សដែលជោគជ័យក្នុងផ្នែកលុយជាមនុស្សដែលមានទម្លាប់កាន់កាប់លុយដែលល្អ ។ ដូច្នេះអ្នកគួរតែរៀន និងបង្កើតទម្លាប់ល្អៗសម្រាប់ខ្លួនដែរប្រសិនបើអ្នកចង់ជោគជ័យក្នុងផ្នែកនេះ ។ ប៉ុន្តែអ្នកត្រូវចងចាំថាអ្នកគួរតែចាប់ផ្តើមពីចំណុចតូចៗ ។ ទម្លាប់ត្រូវការពេលវេលាមុននឹងអាចកើតចេញបាន ។
៤. វិភាគមើលថាអ្នកកំពុងតែខ្ជះខ្ជាយលុយ ឬទេ?
ព្រោះតែអ្នកមានកំណត់ត្រាលើការចាយវាយហើយ អ្នកអាចបើកមើលវាឡើងវិញនឹងវិភាគថាអ្នកកំពុងតែចាយវាយខ្ជះខ្ជាយលើអ្វីទេ ហើយការចាយវាយរបស់អ្នកស្របទៅនឹងគោលដៅរបស់អ្នក ឬទេ? ៕
ចែករំលែកព័តមាននេះ