រាជធានីភ្នំពេញ ៖ នៅក្នុងសប្តាហ៍នេះហាងឆេងអត្រាប្តូរប្រាក់រៀលខ្មែរធៀបជាមួយប្រាក់ យន់ចិនហាក់មានការប្រែប្រួលតិចតួចប៉ុណ្ណោះ ខណៈដែលប្រាក់រៀលខ្មែរធៀបជាមួយ ប្រាក់យ៉េនជប៉ុនមានការប្រែប្រួលរាល់ថ្ងៃតែម្តង ។
ធនាគារ ជាតិនៃកម្ពុជា កាលពីថ្ងៃទី ១៥ខែឧសភា ឆ្នាំ ២០២០មកនេះបានឱ្យដឹងថា ១យន់ចិនទិញចូល ៥៧៨ រៀល លក់ចេញ ៥៨៤ រៀល ហើយកាលពីថ្ងៃទី ១៣ឧសភា ទិញចូល ៥៧៨ រៀល លក់ចេញ ៥៨៤ រៀល ដែលកាលពីថ្ងៃទី ១២ឧសភា ទិញចូល ៥៧៨ រៀល លក់ចេញ ៥៨៣ រៀល ហើយកាលពីថ្ងៃទី ១១ឧសភា ទិញចូល ៥៨១ រៀល លក់ចេញ ៥៨៧ រៀល ។
ដោយឡែកសម្រាប់ប្រាក់យ៉េនជប៉ុនវិញឃើញថា សប្តាហ៍ប្រែប្រួលរាល់ថ្ងៃតែម្តង ដែល ធនាគារ ជាតិនៃកម្ពុជា ឱ្យដឹងដែរថា កាលពីថ្ងៃទី ១៥ខែឧសភា គឺ ១០០យ៉េនទិញចូល ៣៨១៦ រៀល លក់ចេញ ៣៨៥៤ និងកាលពីថ្ងៃទី ១៣ឧសភា ទិញចូល ៣៨២១ រៀល លក់ចេញ ៣៨៥៩ រៀល ។
ជាមួយគ្នានេះដែរ កាលពីថ្ងៃទី ១២ឧសភា ១០០យ៉េនទិញចូល ៣៨១២ រៀល លក់ចេញ ៣៨៥០ រៀល និងកាលពីថ្ងៃទី ១១ឧសភា ទិញចូល ៣៨៤៣ រៀល ហើយលក់ចេញ ៣៨៨១ រៀល ៕
ចែករំលែកព័តមាននេះ