FA នឹងតទល់ជាមួយ FIFA នៅតុលាការលើករណីដោះដូរកីឡាករក្លិប Chelsea
3 ឆ្នាំ មុន
សហព័ន្ធកីឡាបាល់ទាត់អង់គ្លេស (FA) បានជំទាស់ទៅនឹងសេចក្តីសម្រេចរបស់សហព័ន្ធកីឡាបាល់ទាត់ពិភពលោក FIFA ដែលបានចោទប្រកាន់ខ្លួនថា បានរំលោភលើបទបញ្ញត្តិទាក់ទង នឹងការហាមឃាត់ការផ្ទេរកីឡាករអាយុក្រោម១៨ឆ្នាំរបស់ក្លិបតោខៀវ Chelsea ។ សូមរំលឹកថា…
សហព័ន្ធកីឡាបាល់ទាត់អង់គ្លេស (FA) បានជំទាស់ទៅនឹងសេចក្តីសម្រេចរបស់សហព័ន្ធកីឡាបាល់ទាត់ពិភពលោក FIFA ដែលបានចោទប្រកាន់ខ្លួនថា បានរំលោភលើបទបញ្ញត្តិទាក់ទង នឹងការហាមឃាត់ការផ្ទេរកីឡាករអាយុក្រោម១៨ឆ្នាំរបស់ក្លិបតោខៀវ Chelsea ។
សូមរំលឹកថា កាលពីខែកុម្ភៈ ឆ្នាំ២០១៩ ក្រុមតោខៀវ Chelsea បានទទួលរងការដាក់ពិន័យពី FIFA ដែលគិតជាទឹកប្រាក់ចំនួន ៤៦ម៉ឺនផោន ជាមួយនឹងទណ្ឌកម្មមិនឲ្យធ្វើការទិញដូរកីឡាករនៅទីផ្សារដោះដូរកីឡាករទាំងពីរលើកផងដែរ បន្ទាប់ពីក្លិបនេះ បានទិញកីឡាករអាយុក្រោម ១៨ឆ្នាំលើសចំនួនកំណត់ ប៉ុន្តែទណ្ឌកម្មនេះត្រូវបានកាត់បន្ថយមកនៅត្រឹមពាក់កណ្តាលវិញ ក្រោយកាប្តឹងតវ៉ាពីក្លិប Chelsea ។
ដោយឡែកក្នុងនោះ FIFA ក៏បានធ្វើការពិន័យទៅលើ FA ផងដែរ ដែលគិតជាទឹកប្រាក់ប្រមាណជាង ៤២ម៉ឺនផោន ដោយសារតែសហព័ន្ធអង់គ្លេសមួយនេះ បានធ្វើការចុះឈ្មោះកីឡាករនោះចូលក្នុងបញ្ជី ។
FA បានជំទាស់នឹងសេចក្តីសម្រេចរបស់ FIFA ខាងលើ និងបានប្តឹងឧទ្ធរណ៍ទៅកាន់តុលាការអាជ្ញាកណ្តាលកីឡា (CAS) រួចរាល់ ខណៈដែលសវនាការនេះ នឹងត្រូវធ្វើឡើងនៅថ្ងៃទី២៦ ខែមិថុនាខាងមុខ ៕ (ដកស្រង់ចេញពី ESPN)
ចែករំលែកព័តមាននេះ