រាជធានីភ្នំពេញ៖ សមាគមរោងចក្រកាត់ដេរនៅកម្ពុជា ហៅកាត់ថា GMAC កាលពីពេលថ្មីៗនេះស្នើសុំដល់ម្ចាស់អាគារនានាដែលកំពុងជួលឲ្យរោងចក្រកាត់ដេរសម្លៀកបំពាក់ ផលិតផលស្បែកជើង និងផលិតផលធ្វើដំណើរ មេត្តាពិចារណាចុះថ្លៃឈ្នួលរបស់ខ្លួនយ៉ាងតិច ៣ឥ% សម្រាប់រយៈពេលពី…
រាជធានីភ្នំពេញ៖ សមាគមរោងចក្រកាត់ដេរនៅកម្ពុជា ហៅកាត់ថា GMAC កាលពីពេលថ្មីៗនេះស្នើសុំដល់ម្ចាស់អាគារនានាដែលកំពុងជួលឲ្យរោងចក្រកាត់ដេរសម្លៀកបំពាក់ ផលិតផលស្បែកជើង និងផលិតផលធ្វើដំណើរ មេត្តាពិចារណាចុះថ្លៃឈ្នួលរបស់ខ្លួនយ៉ាងតិច ៣ឥ% សម្រាប់រយៈពេលពី ៣ ទៅ ៦ ខែ ដោយខាងសមាគមបញ្ជាក់ថាការចុះថ្លៃឈ្នួលនេះ នឹងអាចជួយសម្រាលបន្ទុកចំណាយរបស់រោងចក្រ និងចូលរួមចំណែកស្តារសេដ្ឋកិច្ចនៅកម្ពុជាដើម្បីទ្រទ្រង់វិស័យនេះ ។
សមាគមបានលើកឡើងថា ឧស្សាហកម្មកាត់ដេរសម្លៀកបំពាក់ ផលិតផលស្បែកជើង និងផលិតផលធ្វើដំណើរ ជាឧស្សាហកម្មមួយក្នុងចំណោមឧស្សាហកម្មនានានៅកម្ពុជាដែលទទួលបាននិងកំពុងរងផលប៉ះពាល់យ៉ាងធ្ងន់ធ្ងរដោយសារតែជំងឺកូវីដ-១៩ ។
«ការទទួលរងផលប៉ះពាល់នេះត្រូវបានសង្កេតឃើញថា មានសភាពកាន់តែធ្ងន់ធ្ងរទៅៗ។ ជាក់ស្តែង រោងចក្រចំនួន ១៨០ បានព្យួរផលិតកម្មរបស់ខ្លួន ខណៈដែលរោងចក្រចំនួន ៦០ ផ្សេងទៀតនឹងព្យួរផលិតកម្មនៅពេលខាងមុខ ។ ការព្យួរនេះបានបញ្ជាក់អំពីភាពមិនអាចទ្រទ្រង់បាននូវបន្ទុកចំណាយនានារបស់រោងចក្រ ខណៈដែលចំណូលរបស់ពួកគេត្រូវបានធ្លាក់ចុះ» ។ នេះជាអ្វីដែលខាង GMAC បានពន្យល់ក្នុងលិខិតអំពាវនាវរបស់ខ្លួនចុះថ្ងៃទី ៨ ឧសភា ឆ្នាំ២០២០ ។
សមាគមបានបន្តថា «ការចំណាយរបស់រោងចក្រលើថ្លៃឈ្នួលអាគារ និងទីតាំង គឺជាបន្ទុកចំណាយដ៏ធ្ងន់ធ្ងរមួយ ស្របពេលដែលសមាជិករបស់យើងកំពុងរងគ្រោះដោយសារតេការលុបចោលនៃការបញ្ជារទិញជាច្រើន និងការគ្មានការបញ្ជារទិញថ្មីនោះ ក៏ដូចជាការចំណាយផ្សេងៗដទៃទៀត ។
យ៉ាងណាមិញ គិតត្រឹមថ្ងៃទី ១៥ ឧសភានេះ មិនទាន់អាចបញ្ជាក់បានថាម្ចាស់ទីតាំងនឹងមានសម្រួលតាមការស្នើសុំឲ្យបញ្ចុះថ្លៃឈ្នួលអាគារនិងទីតាំងនៅឡើយទេ ៕
ចែករំលែកព័តមាននេះ