ខេត្តឧត្តរមានជ័យ៖ ផ្ទះល្វេងមួយខ្នងមានទំហំ៨ម៉ែត្រគុណ១២ម៉ែត្រ ជញ្ចាំងបាំងស័ង្កសី ប្រក់ដំបូលស៊ីប្រូស៊ីម៉ង់ដ៍ត្រូវបានអគ្គិភ័យឆាបឆេះស្ទើរទាំងស្រុង បង្កការភ្ញាក់ផ្អើលកាលពីវេលាម៉ោង១០ព្រឹកថ្ងៃទី១៤ ឧសភា នៅក្នុងផ្សាថ្មអូរស្មាច់ ភូមិអូរស្មាច់សង្កាត់អូរស្មាច់ ក្រុងសំរោង ខេត្តឧត្តរមានជ័យ…
ខេត្តឧត្តរមានជ័យ៖ ផ្ទះល្វេងមួយខ្នងមានទំហំ៨ម៉ែត្រគុណ១២ម៉ែត្រ ជញ្ចាំងបាំងស័ង្កសី ប្រក់ដំបូលស៊ីប្រូស៊ីម៉ង់ដ៍ត្រូវបានអគ្គិភ័យឆាបឆេះស្ទើរទាំងស្រុង បង្កការភ្ញាក់ផ្អើលកាលពីវេលាម៉ោង១០ព្រឹកថ្ងៃទី១៤ ឧសភា នៅក្នុងផ្សាថ្មអូរស្មាច់ ភូមិអូរស្មាច់សង្កាត់អូរស្មាច់ ក្រុងសំរោង ខេត្តឧត្តរមានជ័យ ។
ម្ចាស់ផ្ទះរងគ្រោះ មានឈ្មោះជៀវ វុទ្ធីភេទ ភេទប្រុស អាយុ៣២ឆ្នាំ និងប្រពន្ធឈ្មោះនឹង អ៊ីមលី អាយុ៣០ឆ្នាំ ជាកសិករ រស់នៅក្នុងភូមិសង្កាត់កើតហេតុខាងលើបានរៀបរាប់ថា មុនពេលកើតហេតុទាំង២នាក់ប្តីប្រពន្ធបានដុតធូកដាក់ចោល ហើយនាំគ្នាចេញពីផ្ទះទៅលេងខាងក្រៅស្រាប់តែមានអណ្តាតតភ្លើងឆាបឆេះយ៉ាងសន្ធោសន្ធៅទៅហើយ ។
ប្រភពពីប៉ូលិសអធិការក្រុងសំរោងបានឲ្យដឹងថា នៅក្នុងអគ្គិភ័យនេះ អ្នកភូមិ អាជ្ញាធរមូលរដ្ឋាន មានសមត្ថកិច្ចផងដែរ រួមជាមួយរថយន្តពន្លត់អគ្គិភ័យខាងក្រុមហ៊ុនរីសតមួយគ្រឿងមកអន្តរាគមន៍បាញ់ពន្លត់ ទើបភ្លើងស្ងប់ទៅវិញ ។ ទំហំនៃការខូចខាតគឺឆេះស្ទើរទាំងស្រុង និងឆេះទ្រព្យសម្បត្តិក្នុងផ្ទះសរុបជាង១លានរៀលផងដែរ តែមនុស្សពុំមាននណារម្នាក់ទទួលរងគ្រោះថ្នាក់ក្នុងហេតុការណ៍នេះទេ ។
ចែករំលែកព័តមាននេះ