រាជធានីភ្នំពេញ ៖ រថយន្តឡង់គ្រីស្ស័រ១គ្រឿងសង្ស័យជាន់ហ្វ្រាំងមិនជាប់ក៏ជ្រុលទៅបុករថយន្តមួយគ្រឿងម៉ាកហាយឡែនឌ័រ បណ្ដាលឱ្យស្ដ្រីមានផ្ទៃពោះម្នាក់ដែលជិះក្នុងរថយន្តម៉ាកហាយឡែនឌ័ររងរបួសធ្ងន់ ត្រូវគេបញ្ជូនទៅមន្ទីរពេទ្យភ្លាមៗ ។ ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោង៧យប់ថ្ងៃទី១៤ ខែឧសភា ឆ្នាំ២០២០ នៅតាមបណ្តោយផ្លូវបេតុង…
រាជធានីភ្នំពេញ ៖ រថយន្តឡង់គ្រីស្ស័រ១គ្រឿងសង្ស័យជាន់ហ្វ្រាំងមិនជាប់ក៏ជ្រុលទៅបុករថយន្តមួយគ្រឿងម៉ាកហាយឡែនឌ័រ បណ្ដាលឱ្យស្ដ្រីមានផ្ទៃពោះម្នាក់ដែលជិះក្នុងរថយន្តម៉ាកហាយឡែនឌ័ររងរបួសធ្ងន់ ត្រូវគេបញ្ជូនទៅមន្ទីរពេទ្យភ្លាមៗ ។
ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោង៧យប់ថ្ងៃទី១៤ ខែឧសភា ឆ្នាំ២០២០ នៅតាមបណ្តោយផ្លូវបេតុង ភូមិព្រៃពពេល សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។
រថយន្តមួយគ្រឿងម៉ាកឡង់គ្រីស្ស័រ ពណ៌ទឹកប្រាក់ ពាក់ស្លាកលេខ ស្វាយរៀង ២B-៩៦៦៦ អ្នកបើកបរមិនស្គាល់អត្តសញ្ញាណ ។ ចំណែករថយន្តមួយគ្រឿងទៀតម៉ាកហាយឡេនឌ័រ ពណ៌ស ពាក់ស្លាកលេខភ្នំពេញ ២BD-០៤៨៩ អ្នកបើកបរមិនស្គាល់អត្តសញ្ញាណ រីឯស្ត្រីមានផ្ទៃពោះម្នាក់ជិះក្នុងរថយន្តនេះដែលរងរបួសមិនស្គាល់អត្តសញ្ញាណនោះទេ ។
តាមប្រភពព័ត៌មានពីប្រជាពលរដ្ឋនៅជិតកន្លែងកើតហេតុបានអោយដឹងថា មុនពេលកើតហេតុ គេឃើញរថយន្តមួយគ្រឿងម៉ាកហាយឡែនឌ័រ ពណ៌ស បើកបរក្នុងទិសដៅពីជើងទៅត្បូង ក្នុងល្បឿនមធ្យម លុះមកដល់ចំណុចកើតហេតុខាងលើ ក៏ស្រាប់តែមានរថយន្តមួយគ្រឿងម៉ាកឡង់គ្រីស្ស័រ ពណ៍ទឹកប្រាក់ បើកបរក្នុងទិសដៅពីលិចទៅកើតក្នុងល្បឿនយ៉ាងលឿន មកបុករថយន្តម៉ាកហាយឡែនឌ័រយ៉ាងពេញទំហឹងផ្នែកចំហៀងខាងមុខ បណ្ដាលឲ្យស្ដ្រីមានផ្ទៃពោះម្នាក់ដែលជិះក្នុងរថយន្តម៉ាកហាយឡែនឌ័ររងរបួសធ្ងន់ ត្រូវបានក្រុមគ្រួសារដឹកយកទៅសង្គ្រោះភ្លាមៗនៅឯមន្ទីពេទ្យកាល់ម៉ែត្រ ចំណែករថយន្តរងការខូចខាតក្រពិតទ្វារ និងបែកចង្កៀងខាងស្តាំ។
តាមប្រភពដដែលបានបន្តថា ចំណែកភាគីខាងរថយន្តម៉ាកឡង់គ្រីស្ស័រវិញខ្ទេចផ្នែកខាងមុខទាំងស្រុង និងធ្លាក់កាងមកលើដី ។ ភ្លាមៗនោះកំលាំងប្រជាការពារភូមិបានទាក់ទងទៅកំលាំងសមត្ថកិច្ចនគរបាលប៉ុស្តិ៍សំរោងក្រោម បន្ទាប់មកកំលាំងសមត្ថកិច្ចនគរបាលប៉ុស្តិ៍សំរោងក្រោមបានចុះមកដល់កន្លែងកើតហេតុជួយសម្រួលចរាចរណ៍ និងបាញ់ថ្នាំនៅកន្លែងកើតហេតុ រួចយករថយន្តទាំង២គ្រឿងចេញពីកន្លែងកើតហេតុមកដាក់អែបខាង ដើម្បីឱ្យភាគីទាំងសងខាងធ្វើការសំរបសំរួលគ្នា។
ក្រោយពេលកើតហេតុ ភាគីខាងរថយន្តឡង់គ្រីស្ស័របានចេញថ្លៃជួសជុលនិងព្យាបាលរបួសចំនួន៧០០ដុល្លារ ដើម្បីបញ្ចប់រឿងនៅនឹងកន្លែងកើតហេតុ៕ (កែសម្រួលដោយ ៖ ធីតា)
ចែករំលែកព័តមាននេះ