តាមទ្រឹស្តីព្រះពុទ្ធសាសនា ឋានៈរបស់មនុស្សជាឋានៈខ្ពង់ខ្ពស់បំផុត ព្រោះមនុស្សជាម្ចាស់របស់ខ្លួនឯង ហើយមិនមានព្រះជាម្ចាស់ ឬអាទិទេពណាមួយ ដែលនឹងមកសម្រេចជោគវាសនារបស់មនុស្សបានឡើយ។ ដូចព្រះពុទ្ធគាថាបានត្រាស់ថា ខ្លួនជាទីពឹងរបស់ខ្លួន ពុំមានអ្នកដទៃណា ជាទីពឹងរបស់ខ្លួនបានឡើយ ។
ត្រង់ចំណុចនេះព្រះអង្គចង់បញ្ជាក់ថា ជានិច្ចកាលទ្រង់តែងដាស់តឿនដល់សាវកទាំងឡាយឲ្យចេះពឹងខ្លួនឯង គឺមិនឲ្យស្វែងរកទីពឹងឬផ្ដេកផ្ដួលទៅលើបុគ្គលណាមួយផ្សេងទៀតក្រៅតែពីខ្លួនឯងនោះទេ ។
ព្រះអង្គបានជំរុញក៏ដូចជាលើកទឹកចិត្តឲ្យបុគ្គលម្នាក់ៗ ធ្វើនូវសេចក្ដីចម្រើនឲ្យដល់ខ្លួនឯង ដើម្បីរួចចាកផុតពីសេចក្ដីទុក្ខទាំងឡាយ ត្បិតថាមនុស្សមានថាមពលដែលអាចរំដោះខ្លួនគេផ្ទាល់ឱ្យរួចពីទុក្ខលំបាកទាំងឡាយបាន ។
ព្រះអង្គទ្រង់ត្រាស់ថា អ្នកទាំងឡាយគួរធ្វើនូវកិច្ចរបស់ខ្លួន ចំណែកព្រះសាស្តាគ្រាន់តែជាអ្នកចង្អុលបង្ហាញនូវផ្លូវប៉ុណ្ណោះ ។ សាន សារិន
ចែករំលែកព័តមាននេះ