ផ្ទុះពាក្យចរចាមអារ៉ាមជាច្រើន ក្រោយកីឡាករ Vettel ប្រកាសដើរចេញពីក្រុមហ៊ុន Ferrari
ក្រោយការប្រកាសជាផ្លូវការពីការដើរចេញរបស់អ្នកប្រណាំងរថយន្ត Formula 1 ជនជាតិអាល្លឺម៉ង់ Sebastian Vettel ពីក្រុមហ៊ុន Ferrari នៅចុងឆ្នាំ ២០២០…
ក្រោយការប្រកាសជាផ្លូវការពីការដើរចេញរបស់អ្នកប្រណាំងរថយន្ត Formula 1 ជនជាតិអាល្លឺម៉ង់ Sebastian Vettel ពីក្រុមហ៊ុន Ferrari នៅចុងឆ្នាំ ២០២០…
ក្រោយការប្រកាសជាផ្លូវការពីការដើរចេញរបស់អ្នកប្រណាំងរថយន្ត Formula 1 ជនជាតិអាល្លឺម៉ង់ Sebastian Vettel ពីក្រុមហ៊ុន Ferrari នៅចុងឆ្នាំ ២០២០ កាលពីពេលថ្មីៗនេះ បានធ្វើឲ្យកក្រើកសារព័ត៌មានបរទេសធំៗមួយចំនួន រួមជាមួយនិងពាក្យចរចាមអារ៉ាមក្នុងពិភពប្រណាំងរថយន្តល្បឿនលឿនរបស់ពិភពលោកមួយនេះ ។
បើយោងតាមសារព័ត៌មាន BBC បានធ្វើការចុះផ្សាយថា កីឡាករអេស្ប៉ាញ Carlos Sainz ដែលបច្ចុប្បន្នកំពុងបើកឲ្យក្រុមហ៊ុន McLaren គឺជាបេក្ខភាពទីមួយ ដែលក្រុមហ៊ុន Ferrari នឹងយកមកជំនួសកៅអីរបស់កីឡាករ Sebastian Vettel ខណៈដែលកីឡាករអូស្ត្រាលី Daniel Ricciardo ដែលកំពុងបើកឲ្យក្រុមហ៊ុន Renault នឹងអាចចូលមកជំនួសតំណែងរបស់កីឡាករ Carlos Sainz ។
ដោយឡែកគេហទំព័រ Express និង Sky Sports បានធ្វើការចុះផ្សាយស្រដៀងគ្នាមួយ ជុំវិញពាក្យចរចាមអារ៉ាម ទាក់ទិនទៅនឹងអនាគតរបស់កីឡាករ Sebastian Vettel ថាបុរសជនជាតិអាល្លឺម៉ង់វ័យ ៣២ឆ្នាំរូបនេះ កំពុងត្រូវបានប្រធានផ្នែករថយន្ត Formula 1 របស់ក្រុមហ៊ុន Mercedes (Mercedes-AMG Petronas Motorsport) គឺលោក Toto Wolff កំពុងតែចាប់អារម្មណ៍យ៉ាងខ្លាំង ដើម្បីយករូបគេមកចាប់ដៃគូជាមួយកីឡាករអង់គ្លេស Lewis Hamilton សម្រាប់ការប្រកួតរដូវកាលក្រោយ ។ បន្ទាប់ពីរូបលោក ធ្លាប់បានធ្វើអត្ថាធិប្បាយជាមួយកាសែត កាលពីពេលកន្លងទៅដោយបានហៅកីឡាករ Vettel ថាជាអ្នកប្រណាំងរថយន្ត Formula 1 ដ៏អស្ចារ្យម្នាក់នាពេលបច្ចុប្បន្ន ៕
ចែករំលែកព័តមាននេះ