វាមិនចម្លែកទេដែលអាជីវករចំណាយថវិកាច្រើនជាងប្រាក់ចំណូលពេលដែលទើបចាប់ផ្តើមអាជីវកម្មថ្មីមួយ ជាពិសេសអាជីវកម្មអនឡាញ ។ ប៉ុន្តែភាពជោគជ័យនៅពេលចាប់ផ្តើមអាជីវកម្មដំបូងទាមទារឲ្យអាជីវករយល់ដឹងពីអ្វីដែលជាការចាយវាយចាំបាច់ និងអ្វីជាការចាយវាយខ្ជះខ្ជាយ ។ ខាងក្រោមនេះ គឺជាផ្នែកទាំងបីដែលអាជីវកម្មអនឡាញភាគច្រើនខ្ជះខ្ជាយលុយ ៖ ១….
វាមិនចម្លែកទេដែលអាជីវករចំណាយថវិកាច្រើនជាងប្រាក់ចំណូលពេលដែលទើបចាប់ផ្តើមអាជីវកម្មថ្មីមួយ ជាពិសេសអាជីវកម្មអនឡាញ ។ ប៉ុន្តែភាពជោគជ័យនៅពេលចាប់ផ្តើមអាជីវកម្មដំបូងទាមទារឲ្យអាជីវករយល់ដឹងពីអ្វីដែលជាការចាយវាយចាំបាច់ និងអ្វីជាការចាយវាយខ្ជះខ្ជាយ ។ ខាងក្រោមនេះ គឺជាផ្នែកទាំងបីដែលអាជីវកម្មអនឡាញភាគច្រើនខ្ជះខ្ជាយលុយ ៖
១. ការទិញ Like និង Share
ចំនួន Like ដែលអ្នកមានលើប្រព័ន្ធសង្គម ឬចំនួនមនុស្សដែលតាមដានអាជីវកម្មរបស់អ្នកមិនទាក់ទិននឹងភាពជោគជ័យរបស់អាជីវកម្មអ្នកទាំងស្រុងទេ ។ ការទិញ Like និង Share លើប្រព័ន្ធសង្គមមិនជំរុញការលក់របស់អ្នកទេ ។ ប្រសិនបើអ្នកមានផលិតផលល្អ និងមានសមត្ថភាពក្នុងការទាក់ទាញចិត្តអតិថិជននោះ ចំនួន Like និង Share នឹងកើនឡើងដោយឯកឯង ។
២. ការជ្រើសរើសបុគ្គលិក
អាជីវករគួរតែផ្តល់អាទិភាពលើគុណភាពច្រើនជាងចំនួន ជាពិសេសនៅពេលដែលអ្នកចាប់ផ្តើមមើលឃើញប្រាក់ចំណេញ ។ ជាក់ស្តែង អ្នកអាចរកបុគ្គលិក Freelance ឬ ក្រៅម៉ោងដើម្បីជួយអ្នកបាន ប៉ុន្តែប្រសិនបើអ្នកសម្រេចចិត្តទទួលយកបុគ្គលិកពេញម៉ោងហើយ អ្នកត្រូវតែធានាថាអ្នកជ្រើសរើសបុគ្គលិកដែលមានសមត្ថភាពខ្ពស់ៗ ។
ការជ្រើសរើសបុគ្គលិកបានល្អពេលដែលអាជីវកម្មចាប់ផ្តើមដំបូងគឺពិតជាសំខាន់ណាស់ក្នុងការដឹកនាំអាជីវកម្មទៅរកភាពជោគជ័យ ។
៣. ផ្តោតសំខាន់លើរូបរាងពេក
ពែលដែលអ្នកចាប់ផ្តើមដំបូង អ្នកគួរតែចៀសវាងការចាយវាយដែលបន្ទាប់បន្សំដូចជាលើគេហទំព័រ ឬអ្នកគ្រប់គ្រងប្រព័ន្ធសង្គមរបស់អ្នកជាដើម ។ នៅពេលដែលអ្នកបានបង្ហាញពីតម្លៃអាជីវកម្មរបស់អ្នកពិតប្រាកដ និងកំពុងចាប់ផ្តើមរកប្រាក់ចំណូលបានហើយ ទើបអ្នកគួរផ្តោតស្មារតីលើរូបរាងរបស់អាជីវកម្ម ៕
ចែករំលែកព័តមាននេះ