ខេត្តតាកែវ ៖ ប្រភពពីគណៈកម្មាធិការអាច្យារវត្តភ្នំបូរី ស្រុកអង្គបូរី បានឱ្យកោះសន្តិភាពដឹងថា ភិក្ខុ ឡុង ចន្ថា គឺមិនបានគង់ក្នុងវត្តភ្នំបូរីនេះដើម្បីលាចាកសិក្ខាបទ (សឹក)នោះទេ…
ខេត្តតាកែវ ៖ ប្រភពពីគណៈកម្មាធិការអាច្យារវត្តភ្នំបូរី ស្រុកអង្គបូរី បានឱ្យកោះសន្តិភាពដឹងថា ភិក្ខុ ឡុង ចន្ថា គឺមិនបានគង់ក្នុងវត្តភ្នំបូរីនេះដើម្បីលាចាកសិក្ខាបទ (សឹក)នោះទេ គិតត្រឹមម៉ោង០១និង១៥នាទីរសៀលថ្ងៃទី១៤ ឧសភា នេះ ផ្ទុយពីដែលលោកឡុង ចន្ថា បានសរសេរលិខិតជាលាយអក្សរដោយផ្ទាល់ដៃថា នឹងសឹកវិញនៅថ្ងៃទី១៤ ឧសភា នេះ ។
ប្រភពបន្តទៀតថា លោកឡុង ចន្ថា ត្រូវបានក្រុមគ្រួសារនាំទៅស្រុកកំណើត ដោយចាកចេញពីវត្តភ្នំបុរីនេះ រយៈពេលថ្ងៃមកហើយ ដែលសង្ស័យថា លោកទៅវត្តដែលលោកបានបួសកាលពីនៅតូច នៅក្នុងស្រុកបូរីជលសារ ។
ប្រភពចុងក្រោយពីលោកជួង វ៉ាង ប្រធានមន្ទីរធម្មការនិងកិច្ចការសាសនាបានបញ្ជាក់ដែរថា ទុកពេលឱ្យត្រឹមម៉ោង៥ល្ងាចថ្ងៃទី១៤ ឧសភា នេះ ប្រសិនលោកឡុង ចន្ថា មិនបង្ហាញវត្តមានទៀតនោះ គឺចាត់កម្លាំង បើកស្រាវជ្រាវតាមរកលោក (ឡុង ចន្ថា)ហើយ ។
សូមរំលឹកថា ៖ ដល់ថ្ងៃសន្យា«លាចាកសិក្ខាបទ» បែរបាត់ដំណឹងភិក្ខុ ឡុង ចន្ថា ឈឹង
អ្វីដែលភ្ញាក់ផ្អើលទៀតនោះ កាលពី២ម៉ោងមុន អាក់ខោនហ្វេសបុកមានឈ្មោះ (Long Chantha) បាន បង្ហោះសារមានដូចខាងក្រោមនេះថា ៖
ចែករំលែកព័តមាននេះ