ការផ្ទុះជម្ងឺកូវីដ ១៩ បានបង្កឲ្យអាជីវកម្មជាច្រើនខាតបង់ និងមនុស្សជាច្រើនអ្នកផងដែរបាត់បង់ការងារធ្វើ ។ ក្នុងពេលដែលដ៏គួរឲ្យសោកស្តាយនេះ មនុស្សត្រូវតែរៀនសម្របខ្លួនទៅនឹងស្ថានការថ្មីប្រសិនបើចង់ការពារទ្រព្យសម្បត្តិដែលខ្លួនបានខិតខំកសាងកន្លងមក ។ ក្នុងពេលដែលអ្នកបានបាត់បង់ការងារត្រូវខិតខំរកប្រភពចំណូលថ្មី អ្នកដែលមានសំណាងមានការងារធ្វើនឹងនរក៏ត្រូវតែប្រុងប្រយ័ត្ន…
ការផ្ទុះជម្ងឺកូវីដ ១៩ បានបង្កឲ្យអាជីវកម្មជាច្រើនខាតបង់ និងមនុស្សជាច្រើនអ្នកផងដែរបាត់បង់ការងារធ្វើ ។ ក្នុងពេលដែលដ៏គួរឲ្យសោកស្តាយនេះ មនុស្សត្រូវតែរៀនសម្របខ្លួនទៅនឹងស្ថានការថ្មីប្រសិនបើចង់ការពារទ្រព្យសម្បត្តិដែលខ្លួនបានខិតខំកសាងកន្លងមក ។
ក្នុងពេលដែលអ្នកបានបាត់បង់ការងារត្រូវខិតខំរកប្រភពចំណូលថ្មី អ្នកដែលមានសំណាងមានការងារធ្វើនឹងនរក៏ត្រូវតែប្រុងប្រយ័ត្ន និងត្រៀមខ្លួនសម្រាប់កាលៈទេសៈមិនល្អដែរ ។ ខាងក្រោមនេះ គឺជាអ្វីដែលអ្នកត្រូវធ្វើជាមួយលុយរបស់អ្នកប្រសិនបើអ្នកនៅមានការងារធ្វើក្នុងកំឡុងពេលប្រទេសប្រឈមមុខនឹងកូវីដ ១៩ ៖
១. ប្តូរចំណាយទៅជាប្រាក់សន្សំ
កូវីដ ១៩ បានបង្កឲ្យមនុស្សទូទាំងប្រទេសចៀសវាងកន្លែងដែលអ៊ូអរ ដែលធ្វើឲ្យមានការកាត់បន្ថយការធ្វើដំណើរផងដែរ ។ លើសពីនេះទៅទៀត កន្លែងហាត់កីឡាជាច្រើនក៏ត្រូវបានបិទដំណើរការ ហើយមនុស្សកាន់តែច្រើនចាប់ផ្តើមកាត់បន្ថយការទទួលទានអាហារនៅខាងក្រៅដើម្បីការពារខ្លួន ។ ជាក់ស្តែង វាមានន័យថាអ្នកអាចកាត់បន្ថយការចំណាយរបស់អ្នកបាន តែប្រសិនបើអ្នកមិនប្រុងប្រយ័ត្នទេនោះ អ្នកអាចចាយវាយវាលើអ្វីដែលមិនចាំបាច់យ៉ាងលឿន ។
ដោយហេតុដូចនេះទើបអ្នកគួរតែទុកលុយនៅសល់ក្នុងគណនីសន្សំមួយដែលមិនងាយស្រួលក្នុងការដក ។ ជាទូទៅ អ្នកជំនាញផ្តល់យោបល់ឲ្យអ្នកមានលុយយ៉ាងតិចណាស់ស្មើការចាយវាយប្រចាំថ្ងៃក្នុងរយៈពេលពី ៣ ទៅ ៦ខែ ។
២. វិនិយោគសម្រាប់ថ្ងៃអនាគត
ប្រសិនបើអ្នកមានប្រាក់សន្នំសម្រាប់គ្រាអាសន្នគ្រប់គ្រាន់ហើយ អ្នកគួរតែគិតវែងឆ្ងាយនិងទុកថវិកាមួយចំនួនទៀតសម្រាប់ការវិនិយោគផងដែរ ។ ទោះជាវិនិយោគក្នុងពេលដែលសេដ្ឋកិច្ចមិននឹងនរអាចនឹងមានហានិភ័យខ្ពស់ដែរ ប៉ុន្តែអ្នកជំនាញមិនផ្តល់យោបល់ឲ្យអ្នកបោះបង់ការវិនិយោគរបស់អ្នកដោយងាយៗទេ ។ ក្នុងពេលដែលមនុស្សមួយចំនួនអាចជួបបញ្ហាហិរញ្ញវត្ថុ អ្នកអាចនឹងរកឃើញឱកាសវិនិយោគល្អៗដែរ ។
៣. ចូលរួមដល់សហគមន៍របស់អ្នក
បន្ទាប់ពីអ្នកត្រៀមខ្លួនរួចជាស្រេចហើយ អ្នកមិនគួរមើលរំលងភាពរឹងមាំរបស់សហគមន៍អ្នកទេ ។ ប្រសិនបើអ្នកមិនជួបនឹងបញ្ហាហិរញ្ញវត្ថុធ្ងន់ធ្ងរក្នុងកំឡុងពេលនេះ អ្នកគួរចូលរួមក្នុងការជួយអ្នកដទៃដែលកំពុងជួបការលំបាក ជាពិសេសអាជីវករតូចៗ ៕
ចែករំលែកព័តមាននេះ