ខេត្តត្បូងឃ្មុំ៖ ពិតជាគួរឱ្យសោកស្ដាយ ដោយលំនៅឋានសង់ពីឈើប្រក់ក្បឿងមួយខ្នងជាផ្ទះរបស់លោកមេភូមិ ត្រូវបានអគ្គីភ័យឆាបឆេះសន្ធោសន្ធៅភ្លើងឡើងក្រហមច្រើនទៅលើអាកាស ។ ហេតុការណ៍នេះបានកើតឡើងនៅវេលាម៉ោង២ និង៥០នាទីរសៀលថ្ងៃទី១៣ ឧសភា ២០២០ នៅភូមិតាប៉ាង…
ខេត្តត្បូងឃ្មុំ៖ ពិតជាគួរឱ្យសោកស្ដាយ ដោយលំនៅឋានសង់ពីឈើប្រក់ក្បឿងមួយខ្នងជាផ្ទះរបស់លោកមេភូមិ ត្រូវបានអគ្គីភ័យឆាបឆេះសន្ធោសន្ធៅភ្លើងឡើងក្រហមច្រើនទៅលើអាកាស ។ ហេតុការណ៍នេះបានកើតឡើងនៅវេលាម៉ោង២ និង៥០នាទីរសៀលថ្ងៃទី១៣ ឧសភា ២០២០ នៅភូមិតាប៉ាង ឃុំពាមជីលាំង ស្រុកត្បូងឃ្មុំ សំណាងល្អមិនមានអ្នកណាម្នាក់រងគ្រោះថ្នាក់ដល់អាយុជីវិតទេ។
លោកឆយ វុទ្ធី នាយប៉ុស្តិ៍ឃុំពាមជីលាំងបានប្រាប់ឲ្យដឹងថា ក្រោយពីប្រជាពលរដ្ឋបានរាយការណ៍ថា មានគ្រោះអគ្គិភ័យកើតឡើងរូបលោក ក៏បានរាយការណ៍មកកាន់លោកអធិការនគរបាលស្រុកត្បូងឃ្មុំដើម្បីសុំអន្តរាគមន៍រថយន្តពន្លត់អគ្គិភ័យចេញមកបាញ់ទឹក។ បន្ទាប់មក រូបលោកក៏បានដឹកនាំមន្ត្រីចុះទៅកាន់ផ្ទះមេភូមិតាប៉ាង ដែលរងគ្រោះដោយអគ្គិភ័យខណៈពេលទៅ ដល់ភ្លើងបានឆាបឆេះប្រហែលជា៨០ភាគរយទៅហើយសសរផ្ទះបានចាប់ផ្ដើមរលំ។
លោកនាយបន្តថា ផ្ទះដែលឆេះនោះជាកម្មសិទ្ធិរបស់ឈ្មោះសុីន សយ ភេទប្រុស អាយុ៧៧ឆ្នាំ មានតួនាទីជាមេភូមិ មានប្រពន្ធឈ្មោះហួន ថេន អាយុ៧៣ឆ្ន ។ ផ្ទះមានទំហំ8×12=3ខ្នង ធ្វេីពីឈេីប្រក់ក្បឿងជញ្ជាំងក្តារ (ខូចខាតទាំងស្រុង) ។ បាត់បង់សំភារៈរួមមានខ្សែកមាស២ដំឡឹង, ប្រាក់ខ្មែ២.៥លានរៀល
ស្រូវ២៥បេ សំភារៈផ្សេងៗទៀតសំលៀកបំពាក់ ចានឆ្នាំង។
ភ្លើងមិនបានឆាបឆេះទៅដល់ផ្ទះអ្នកជិតខាងនោះទេ ដោយសារតែគម្លាតផ្ទះពីមួយទៅមួយរាងឆ្ងាយ។នៅក្នុងហេតុការណ៍នេះ មិនបណ្ដាលឱ្យអ្នកណាម្នាក់រងគ្រោះថ្នាក់នោះទេ។ បើតាមការសួរនាំពីម្ចាស់ផ្ទះប្រាប់មកសមត្ថកិច្ចថាដំបូងឃើញភ្លើងបានឆាបឆេះចេញពីក្នុងបន្ទប់កូននៅលើផ្ទះដោយសារតែទូស្សេខ្សែភ្លើង។នៅក្នុងខេត្តកាលនោះបានបង្កឱ្យមានការភ្ញាក់ផ្អើលដល់ប្រជាពលរដ្ឋនៅក្នុងភូមិ អ្នកជិតខាងបានបងទឹកមកជួយពន្លត់ដែរតែមិនអាចពន្លត់កើតដោយសារតែភ្លើងឆេះយ៉ាងពេញបន្ទុកទៅហើយ។
លោកគង់ សុីហុង អធិការរងនគរបាលស្រុកត្បូងឃ្មុំបានប្រាប់ឲ្យដឹងដែរថា ក្នុងពេលដែលមានអគ្គិភ័យឆាបឆេះផ្ទះនោះលោកនាយប៉ុស្តិ៍បានរាយការណ៍មករូបលោក ដើម្បីសុំអន្តរាគមន៍រថយន្តពន្លត់អគ្គិភ័យជួយបាញ់ទឹកពន្លត់។ ប៉ុន្តែដោយសារតែផ្លូវឆ្ងាយលំនៅឋាននោះ ត្រូវបានអគ្គិភ័យលេបត្របាក់អស់ ។ចំពោះមាសដែលបាត់បង់ដោយសារភ្លើងឆេះត្រូវបានរកឃើញ១ដំឡឹងវិញ ។
ក្រោមការណែនាំពីសំណាក់លោកឧត្តមសេនីយ៍ទោបែន រ័ត្ន ស្នងការនគរបាលខេត្ត ដោយឲ្យកម្លាំងពន្លត់អគ្គិភ័យរបស់អធិការដ្ឋានគរបាលស្រុកត្បូងឃ្មុំត្រូវយាមប្រចាំការ២៤ម៉ោងលើ២៤ម៉ោង ដើម្បីចេញអន្តរាគមន៍ពេលដែលមានសភាពការកើតឡើងដើម្បីងាយស្រួលចេញទៅអន្តរាគមន៍ទាន់ពេលវេលាតែករណីខាងលើនេះដោយសារតែផ្លូវឆ្ងាយពេក៕
ចែករំលែកព័តមាននេះ