មន្ត្រីជាន់ខ្ពស់ WHO ថា កូវីដ១៩ អាចនឹងមិនបាត់ទៅណាទេ
តាមប្រភពព័ត៌មាន CNN បានឱ្យដឹងថា វេជ្ជបណ្ឌិត Mike Ryan នាយកប្រតិបត្តិនៃកម្មវិធីផ្នែកសុខភាពបន្ទាន់របស់អង្គការសុខភាពពិភពលោក (WHO) បាននិយាយកាលពីថ្ងៃពុធ ថា…
តាមប្រភពព័ត៌មាន CNN បានឱ្យដឹងថា វេជ្ជបណ្ឌិត Mike Ryan នាយកប្រតិបត្តិនៃកម្មវិធីផ្នែកសុខភាពបន្ទាន់របស់អង្គការសុខភាពពិភពលោក (WHO) បាននិយាយកាលពីថ្ងៃពុធ ថា…
តាមប្រភពព័ត៌មាន CNN បានឱ្យដឹងថា វេជ្ជបណ្ឌិត Mike Ryan នាយកប្រតិបត្តិនៃកម្មវិធីផ្នែកសុខភាពបន្ទាន់របស់អង្គការសុខភាពពិភពលោក (WHO) បាននិយាយកាលពីថ្ងៃពុធ ថា វីរុសកូរ៉ូណាថ្មីនេះ អាចនឹងមិនបាត់ទៅណាទេ ហើយអាចនឹងនៅបន្តសម្លាប់មនុស្ស ដូចជាវីរុសដទៃទៀតដែរ ដែលកំពុងមានសព្វថ្ងៃ។
លោកវេជ្ជបណ្ឌិត Ryan បានមានប្រសាសន៍ថា៖ «វីរុសនេះ អាចនឹងក្លាយទៅជាវីរុសដូចវីរុសផ្សេងទៀតដែរ នៅក្នុងសហគមន៍របស់យើង ហើយវានឹងមិនបាត់ទៅណាទេ។ ដូចជាវីរុសហ៊ីវ (HIV) ដែលបង្កឱ្យទៅជាជំងឺអេដស៍អ៊ីចឹងដែរ។ ខ្ញុំមិនប្រៀបធៀបជំងឺទាំងពីរនេះទេ ប៉ុន្តែខ្ញុំគិតថា វាសំខាន់ណាស់ដែលយើងគិតតាមទិដ្ឋភាពជាស្តែង»។
លោកបានបន្តថា៖ «ការចាក់វ៉ាក់សាំង គឺអាចការពារវីរុសនេះបាន តែយើងត្រូវប្រាកដថា គ្រប់គ្នាសុទ្ធតែអាចចាក់វាបាន ហើយវាត្រូវតែមានប្រសិទ្ធភាពខ្ពស់»។
ទោះយ៉ាងណាក្តី អនាគតនៃមេរោគឆ្លងនេះ មិនមែនស្ថិតនៅក្នុងភាពស្រពេចស្រពិល មើលពន្លឺមិនឃើញនោះទេ។ នេះបើតាមប្រសាសន៍របស់លោកវេជ្ជបណ្ឌិត Maria Van Kerkhove ដែលជាមន្ត្រីអេពីឌែមីសាស្ត្ររបស់ WHO។
លោកបាននិយាយអំឡុងពេលសន្និសីទកាសែតកាលពីថ្ងៃពុធថា៖ «ការផ្ទុះឡើងនៃជំងឺនេះ គឺស្ថិតនៅក្នុងកណ្តាប់ដៃរបស់យើង។ យើងទាំងអស់គ្នាទូទាំងពិភពលោក បានរួមដៃគ្នាធ្វើការលើបញ្ហានេះ។ ពួកយើងបានឃើញប្រទេសមួយចំនួនបានគ្រប់គ្រងជំងឺនេះ បានដោយជោគជ័យ។ យើងក៏ឃើញប្រទេសខ្លះបានប្រើប្រាស់វិធានការសុខភាពសាធារណៈផងដែរ»។
គួរបញ្ជាក់ផងដែរថា នាពេលនេះ ពិភពលោកមានករណីឆ្លងកូវីដ១៩ សរុប ៤,៤២៨,២៣៨ករណី ករណីបាត់បង់ជីវិតសរុប ២៩៨,០៨៣ករណី និង ករណីជាសះស្បើយសរុប ១,៦៥៨,៩៦០ករណី៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ