តំណក់ឈាមរវាងអ្នកនាង អម្ពរ ទេវី និងអតីតស្វាមី ចូលបម្រើកងទ័ពហើយ
រាជធានីភ្នំពេញ ៖ តំណក់ឈាមតែមួយគត់រវាងតារាសម្តែងដ៏ល្បីល្បាញនាទស្សវត្សរ៍ឆ្នាំ៩០ អ្នកនាង អម្ពរ ទេវី និងលោក ពេជ្រ ភិរុណ បានចូលរួមបម្រើកងទ័ពនៅសហរដ្ឋអាមេរិកហើយ…
រាជធានីភ្នំពេញ ៖ តំណក់ឈាមតែមួយគត់រវាងតារាសម្តែងដ៏ល្បីល្បាញនាទស្សវត្សរ៍ឆ្នាំ៩០ អ្នកនាង អម្ពរ ទេវី និងលោក ពេជ្រ ភិរុណ បានចូលរួមបម្រើកងទ័ពនៅសហរដ្ឋអាមេរិកហើយ…
រាជធានីភ្នំពេញ ៖ តំណក់ឈាមតែមួយគត់រវាងតារាសម្តែងដ៏ល្បីល្បាញនាទស្សវត្សរ៍ឆ្នាំ៩០ អ្នកនាង អម្ពរ ទេវី និងលោក ពេជ្រ ភិរុណ បានចូលរួមបម្រើកងទ័ពនៅសហរដ្ឋអាមេរិកហើយ បន្ទាប់ពីបានចូលរួមសិក្សា និងហ្វឹកហាត់នៅសាលាកងទ័ពមួយនាទឹកដីមហាអំណាចមួយនេះ។
ភិរុណ ហ្ស៊ូលី ត្រូវបានគេដឹងថា ចូលរួមជាផ្លូវការនៅក្នុងជួរកងទ័ពសហរដ្ឋអាមេរិកក្នុងនាមជាអ្នកជួសជុលយន្តហោះដ្រូ បន្ទាប់ពីលោកបានចូលសិក្សានៅសាលា Keithley រដ្ឋWashington ខណៈពេលលោកបានរង់ចាំរយៈពេលប្រមាណពីរទៅបីឆ្នាំ បន្ទាប់ពីបញ្ចប់ការសិក្សា។
ជាមួយនឹងភាពសប្បាយរីករាយនៅពេលបានឃើញកូនសម្រេចក្តីស្រមៃនាពេលនេះ អតីតតារាសម្តែងដ៏ល្បីល្បាញអ្នកនាង អម្ពរ ទេវី បានបង្ហោះសារតាមហ្វេសប៊ុករបស់ខ្លួនថា ZOLI ម៉ាក់សប្បាយចិត្តណាស់ដែលបានឃើញរូបកូន ការងារដែលកូនស្រឡាញ់ម៉ាក់នៅពីក្រោយកូន ម៉ាក់នឹកកូនសូមឲ្យកូនប្រុសម៉ាក់បានសុខសប្បាយ។
ជាមួយនឹងដំណឹងមួយនេះ គេសង្កេតឃើញមានប្រិយមិត្តគាំទ្រអ្នកនាង អម្ពរ ទេវី ជាច្រើនរូបបាននាំគ្នាចូលរួមអបអរសាទរ និងបង្ហាញពីមោនភាពចំពោះកូនប្រុសអ្នកនាងនាពេលនេះ ដែលបានសម្រេចនូវមហិច្ជតារបស់ខ្លួនបានឈានជើងចូលមប្រើកងទ័ពអាមេរិនាពេលនេះ។
ដោយឡែកងាកទៅមើលស្វាមីអ្នកស្រីវិញ គឺលោក ពេជ្រ ភិរុណ រហូតមកទល់ពេលនេះលោកហាក់នៅមិនទាន់បង្ហាញអារម្មណ៍ណាមួយចំពោះកូនប្រុសដែលបានចូលមប្រើកងទ័ពអាមេរិកនាពេលនេះឡើយ ប៉ុន្តែយ៉ាងណា លោកទំនងជានឹងមិនជំទាស់នូវគោលបំណងរបស់កូនប្រុសខ្លួននាពេលនេះឡើយ ។ ខណៈពេលដែលកូនប្រុសរបស់លោកត្រូវបានគ្រប់គ្រងថែរក្សាដោយអតីតភរិយា គឺអ្នកនាង អម្ពរ ទេវី បន្ទាប់ពីបែកគ្នាមក។
ជាការកត់សម្គាល់ បើទោះបីជាចំណងអាពាហ៍ពិពាហ៍រវាងលោក ពេជ្រ ភិរុណ និងអ្នកនាង អម្ពរ ទេវី ដើរដល់ផ្លូវបំបែកក៏ដោយ ប៉ុន្តែអ្នកទាំងពីរនៅតែរក្សាទំនាក់ទំនងគ្នាជាប់លាប់ដដែល ពោលគឺនៅពេលដែលអ្នកនាង អម្ពរ ទេវី មកលេងស្រុកខ្មែរម្តងៗ គឺនាងតែងមកស្នាក់នៅផ្ទះលោក ពេជ្រ ភារុណ ។
គួររំលឹកថា លោកពេជ្រ ភិរុណ និងអ្នកនាងអម្ពរ ទេវី បានរៀបការក្លាយជាប្ដីប្រពន្ធស្របច្បាប់កាលពីខែតុលា ឆ្នាំ១៩៩២ ក្នុងអំឡុងពេលដែលអ្នកទាំងពីរ ស្ថិតក្នុងភាពល្បីល្បាញជាតារាសិល្បៈខ្មែរ ។ ការផ្ដាច់ទំនាក់ទំនងរបស់អ្នកទាំងពីរត្រូវគេសង្ស័យថា បានកើតមានឡើងតាំងពីមុន អ្នកនាង អម្ពរ ទេវី ចេញទៅរស់នៅអាមេរិកម្ល៉េះ ដោយគ្រាន់តែលោកពេជ្រ ភិរុណ លាក់បាំង។
យ៉ាងណា លោកពេជ្រ ភិរុណ ហាក់មិនបើកទូលាយប្រាប់ឲ្យដឹងពីមូលហេតុបែកបាក់ និងស្ថានភាពនៃការលែងលះនោះទេ ក្នុងពេលដែលចំណងអាពាហ៍ពិពាហ៍របស់ពួកគេទទួលបានកូនប្រុសម្នាក់ ហើយអ្នកនាង អម្ពរ ទេវី ក៏បានរៀបការប្តីថ្មីនៅលើទឹកដីអាមេរិក និងទទួលបានចំណងដៃកូនស្រីម្នាក់ផងដែរ៕ (កែសម្រួលដោយ បុប្ផា)
ចែករំលែកព័តមាននេះ