ព្រោះតែហេតុផលមួយ ធ្វើឱ្យកីឡាករSebastian Vettel ដើរចេញពីក្រុមហ៊ុន Ferrari
អ្នកប្រណាំងរថយន្ត Formula 1 ជនជាតិអាល្លឺម៉ង់ Sebastian Vettel នឹងដើរចេញពីក្រុមហ៊ុន Ferrari នៅចុងឆ្នាំនេះ បន្ទាប់ពីកិច្ចចរចាលើកុងត្រារវាងភាគីទាំង២…
អ្នកប្រណាំងរថយន្ត Formula 1 ជនជាតិអាល្លឺម៉ង់ Sebastian Vettel នឹងដើរចេញពីក្រុមហ៊ុន Ferrari នៅចុងឆ្នាំនេះ បន្ទាប់ពីកិច្ចចរចាលើកុងត្រារវាងភាគីទាំង២…
អ្នកប្រណាំងរថយន្ត Formula 1 ជនជាតិអាល្លឺម៉ង់ Sebastian Vettel នឹងដើរចេញពីក្រុមហ៊ុន Ferrari នៅចុងឆ្នាំនេះ បន្ទាប់ពីកិច្ចចរចាលើកុងត្រារវាងភាគីទាំង២ មិនចុះសម្រុងគ្នា ។
នាយកប្រតិបត្តិក្រុមហ៊ុន Ferrari (Formula 1) លោក Mattia Binotto បានបញ្ជាក់ អំពីការសម្រេចចិត្តនេះ បន្ទាប់ពីក្រុមហ៊ុនមិនអាចផ្តល់តាមសំណើរបស់ Sebastian បានដែលជាហេតុធ្វើឲ្យការពិភាក្សាសម្រេចដើរដល់ចំណុចនេះ ។
នៅមិនទាន់មានការបញ្ជាក់ណាមួយចំពោះកីឡាករ Sebastian Vettel ថាតើរូបគេ នឹងចូលរួមជាមួយក្រុមហ៊ុនមួយណានៅឡើយទេ ខណៈប្រភពមួយបាននិយាយថា ក្រុមហ៊ុន Mercedes កំពុងចាប់អារម្មណ៍ចង់បានកីឡាកររូបនេះមកចាប់ដៃគូជាមួយកីឡាករអង់គ្លេស Lewis Hamilton ។
ដោយឡែកតាមពាក្យចចាមអារ៉ាមមួយចំនួន ដែលត្រូវបានចុះផ្សាយដោយសារព័ត៌មានជាច្រើនបានឲ្យដឹងថា កីឡាករអេស្ប៉ាញ Carlos Sainz ដែលបច្ចុប្បន្នកំពុងបើកឲ្យក្រុមហ៊ុន McLaren កំពុងស្ថិតក្នុងចំណោមកីឡាករ ដែលអាចនឹងមកជំនួសកៅអីរបស់ Vettel ។
សូមជម្រាបជូនថា ក្នុងអាជីពជាអ្នកប្រណាំងរថយន្ត Formula 1 កីឡាករ Sebastian Vettel បានបើកឲ្យក្រុមហ៊ុនចំនួន ៤ រួមមាន BMW Sauber (2006–2007), Toro Rosso (2007–2008), Red Bull (2009–2014) និង Ferrari (2015–2020) ។ រូបគេធា្លប់ឈ្នះពានរង្វាន់ជាច្រើន ព្រមទាំងពានរង្វាន់ពិភពលោក (Formula 1 World Championship) ៤ឆ្នាំជាប់គ្នាពោលនៅឆ្នាំ ២០១០ រហូតដល់ឆ្នាំ ២០១៣ ៕ (ដកស្រង់ចេញពី Theguardian)
ចែករំលែកព័តមាននេះ