រាជធានីភ្នំពេញ៖ ទីប្រឹក្សាសេដ្ឋកិច្ចមួយរូបនៅកម្ពុជាបានលើកឡើងថាអំណាចនៃកាចាត់ចែងលុយត្រូវត្រឹមត្រូវនឹងធ្វើឲ្យអ្នកចៀសផុតពីភាពក្រីក្រ ជាពិសេសការមានទស្សនៈវិស័យច្បាស់លាស់នៅក្នុងការវិនិយោគ ។ លោក ង៉ែត ជូ ដែលជាអ្នកជំនាញខាងអចលទ្រព្យនៅកម្ពុជានិងជាទីប្រឹក្សាសេដ្ឋកិច្ចលេចធ្លោមួយរូបបានលើកឡើងថា នៅអាយុ១៩ឆ្នាំ (ក្នុងកំឡុងឆ្នាំ១៩៧៧)…
រាជធានីភ្នំពេញ៖ ទីប្រឹក្សាសេដ្ឋកិច្ចមួយរូបនៅកម្ពុជាបានលើកឡើងថាអំណាចនៃកាចាត់ចែងលុយត្រូវត្រឹមត្រូវនឹងធ្វើឲ្យអ្នកចៀសផុតពីភាពក្រីក្រ ជាពិសេសការមានទស្សនៈវិស័យច្បាស់លាស់នៅក្នុងការវិនិយោគ ។
លោក ង៉ែត ជូ ដែលជាអ្នកជំនាញខាងអចលទ្រព្យនៅកម្ពុជានិងជាទីប្រឹក្សាសេដ្ឋកិច្ចលេចធ្លោមួយរូបបានលើកឡើងថា នៅអាយុ១៩ឆ្នាំ (ក្នុងកំឡុងឆ្នាំ១៩៧៧) កូនប្រុសរបស់កំពូលអ្នកវិនិយោគ លោក វ៉ារិន បាហ្វេ គឺលោក ភីធ័រ បាហ្វេ បានទទួលមរតកពីការលក់ដីចម្ការរបស់ជីតាចំនួន៩ម៉ឺនដុល្លា។ លោកមិនបានដកប្រាក់ដែលជាមរតកនោះយកទៅចាយទេ ផ្ទុយទៅវិញប្រាក់នោះបានវិនិយោគលើភាគហ៊ុនក្រុមហ៊ុន ប៊ើកសែហាថាវេដែលជាក្រុមហ៊ុនរបស់ឪពុកលោក។ មកដល់បច្ចុប្បន្នភាគហ៊ុននៃប្រាក់វិនិយោគ៩ម៉ឺនដុល្លានោះមានតម្លៃជាង២០០លានដុល្លា។ ក្នុងរយៈពេល៤៣ឆ្នាំ (១៩៧៧-២០២០) ទុនវិនិយោគរបស់គាត់មានកំណើនតម្លៃផ្គួបប្រចាំឆ្នាំ (Compound Annual Growth Rate) ១៩,៦៣%។
នៅពេលចោទជាសំណួរថាតើមានជំរើសនៃការវិនិយោគដ៏មានប្រសិទ្ធិភាពបែបនេះណាខ្លះនៅកម្ពុជានាពេលបច្ចុប្បន្ននោះ លោក ង៉ែត ជូ បានបញ្ជាក់ថាការវិនិយោគលើវិស័យអចលទ្រព្យ ការវិនិយោគលើវិស័យដីធ្លី ហើយដីធ្លីនោះទៀតសោតគឺអាចវិនិយោគលើវិស័យកសិកម្មក្លាយដីធ្លីទៅជាការកសិដ្ឋានចិញ្ចឹមសត្វ ឬដាំដំណាំដូចជាដូងក្រអូប ដែលមានតម្រូវការទីផ្សារខ្ពស់ ដែលការណ៍នេះនឹងជួយលោកអ្នកឲ្យទទួលបានផលចំណូលពីដំណាំផ្សេងៗ ហើយក៏ជួយឲ្យតម្លៃដីធ្លីបានថ្លៃផងដែរ ក៏ប៉ុន្តែដើម្បីឲ្យការវិនិយោគនេះសម្រេចជោគជ័យទៅបាន គឺទាមទារឲ្យមានការសិក្សានិងមានយុទ្ធសាស្ត្រច្បាស់លាស់ មិនមែនលឺតែគេថាហើយធ្វើតាមនោះទេ ។
លោកបានបន្តថា «ជម្រើសមួយទៀតគឺការវិនិយោគទៅលើផ្សារហ៊ុន។ ទោះបីជាផ្សារហ៊ុននៅកម្ពុជាហាក់ដូចជាថ្មីមែន ហើយក្រុមហ៊ុនចុះបញ្ជីនៅមានកម្រិត តែនៅមានក្រុមហ៊ុនចុះបញ្ជីកាន់តែច្រើនឡើងៗ ដូច្នេះវិស័យនេះនឹងរីកចម្រើនទៅថ្ងៃអនាគត ។ តែអ្វីដែលជាបញ្ហានោះគឺថានៅកម្ពុជាយើង មនុស្សមួយចំនួនពេលធ្វើការវិនិយោគគឺចង់ឃើញលទ្ធផលភ្លាមៗ ដូច្នេះគាត់យល់ថាទីផ្សារហ៊ុនវាអត់ទាន់ល្អ តែសម្រាប់ខ្ញុំអ្នកវិនិយោគគួរតែមានចក្ខុវិស័យមើលឲ្យបានឆ្ងាយ មិនមែនទាល់តែវិស័យនោះរីកចម្រើនហើយទើបហក់ចូលនោះទេ » ៕
ចែករំលែកព័តមាននេះ