ប្រទេសកូរ៉េខាងត្បូង៖ លីគបាល់ទាត់អាជីពរបស់ប្រទេសកូរ៉េខាងត្បូង ដែលបានចាប់ផ្តើមរដូវកាលថ្មីរបស់ខ្លួនកាលពីសប្តាហ៍មុន បន្ទាប់ត្រូវបានពន្យារពេលក្រោយមានការផ្ទុះឡើងនៃវីរុសកូវីដ-១៩ក្នុងប្រទេសនេះ បានទទួលការចាប់អារម្មណ៍ពីសំណាក់អ្នកគាំទ្រជុំវិញពិភពលោក ។ ជាក់ស្តែងការប្រកួតបើករដូវកាល ២០២០ នៃលីគកំពូលកូរ៉េខាងត្បូង (K…
ប្រទេសកូរ៉េខាងត្បូង៖ លីគបាល់ទាត់អាជីពរបស់ប្រទេសកូរ៉េខាងត្បូង ដែលបានចាប់ផ្តើមរដូវកាលថ្មីរបស់ខ្លួនកាលពីសប្តាហ៍មុន បន្ទាប់ត្រូវបានពន្យារពេលក្រោយមានការផ្ទុះឡើងនៃវីរុសកូវីដ-១៩ក្នុងប្រទេសនេះ បានទទួលការចាប់អារម្មណ៍ពីសំណាក់អ្នកគាំទ្រជុំវិញពិភពលោក ។
ជាក់ស្តែងការប្រកួតបើករដូវកាល ២០២០ នៃលីគកំពូលកូរ៉េខាងត្បូង (K League 1) រវាងក្រុម Jeonbuk Hyundai Motors នឹងក្រុម Suwon Samsung Bluewings កាលពីថ្ងៃសុក្រ ដែលធ្វើឡើងដោយគ្មានអ្នកគាំទ្រក្នុងកីឡដ្ឋាន (Closed Door) ត្រូវបានផ្សាយបន្តផ្ទាល់តាមរយៈបណ្តាញសង្គម Twitter និង Youtube ដែលមានអ្នកទស្សនាសរុបរហូតដល់ទៅ ៣,៦លាននាក់នៅទូទាំងពិភពលោក ។
បើយោងតាមការចុះផ្សាយពីគេហទំព័រ Arirang របស់កូរ៉េខាងត្បូងបានឲ្យដឹងថា មនុស្សប្រហែល ៣,៤ លាននាក់បានទស្សនានៅលើបណ្តាញសង្គម Twitter និងប្រមាណជា ២៣៤,០០០ នាក់ផ្សេងទៀតបានទស្សនានៅលើ Youtube ។
នេះគ្រាន់តែជាចំនួនអ្នកទស្សនាលើបណ្តាយសង្គមទាំង២តែប៉ុណ្ណោះ ដោយទាន់រាប់បញ្ចូលទាំងអ្នកទស្សនាលើកញ្ចក់ទូរទស្សននៅឡើយ ស្របពេលដែលលីគកំពូលរបស់កូរ៉េខាងត្បូងមួយនេះ បានលក់សិទ្ធិផ្សាយជុំវិញពិភពលោក នៅប្រទេសសរុបចំនួន ៣៦ ផ្សេងគ្នានៅរដូវកាលថ្មីនេះ ។
សូមបញ្ជាក់ថា ការប្រកួតរវាងក្រុមទាំងបានបញ្ចប់ទៅដោយ Jeonbuk Hyundai Motors បានយកឈ្នះដោយលទ្ធផល ១-០ ដែលជាការតែតបញ្ចូលទីដោយខ្សែប្រយុទ្ធ Lee Dong-Gook នៅនាទី ៨៤ ។ ដោយឡែកគិតត្រឹមការប្រកួតសប្តាហ៍ទី១ ដែលបានបញ្ចប់កាលពីថ្ងសអាទិត្យកន្លងទៅ ក្រុម Ulsan Hyundai កំពុងឈរនៅកំពូលតារាងបណ្តោះអាសន្ន បន្ទាប់ពីយកឈ្នះលើក្រុម Sangju Sangmu ដោយលទ្ធផល ៤-០ ៕
ចែករំលែកព័តមាននេះ