កាណាដា ចាប់ដៃនឹងក្រុមហ៊ុនចិន ផលិតវ៉ាក់សាំងកូវីដ១៩
ប្រទេសកាណាដា ៖ តាមប្រភពព័ត៌មាន CNN បានឱ្យដឹងថា ក្រុមប្រឹក្សាស្រាវជ្រាវជាតិកាណាដា បាននិយាយកាលពីថ្ងៃអង្គារ៍ថា ខ្លួននឹងសហការជាមួយក្រុមហ៊ុនចិន CanSino Biologics…
ប្រទេសកាណាដា ៖ តាមប្រភពព័ត៌មាន CNN បានឱ្យដឹងថា ក្រុមប្រឹក្សាស្រាវជ្រាវជាតិកាណាដា បាននិយាយកាលពីថ្ងៃអង្គារ៍ថា ខ្លួននឹងសហការជាមួយក្រុមហ៊ុនចិន CanSino Biologics Inc. ដែលជាក្រុមហ៊ុនមួយក្នុងចំណោមក្រុមហ៊ុនមួយចំនួននៅលើពិភពលោក ដែលមកដល់ពេលនេះមានវ៉ាក់សាំងកូវីដ១៩កំពុងធ្វើតេស្តសាកល្បងលើទីផ្សារ។ ភាពជាដៃគូអាចឱ្យគេមើលឃើញពីការដាក់វ៉ាក់ស៊ាំងរបស់ក្រុមហ៊ុននេះ ធ្វើជាវ៉ាក់សាំងប្រើសាកល្បងលើមនុស្សក្នុងប្រទេសកាណាដា។
លោក Iain Stewart ប្រធានក្រុមប្រឹក្សាស្រាវជ្រាវជាតិកាណាដា (NRC) មានប្រសាសន៍ថា៖ «ក្រុមហ៊ុនវ៉ាក់សាំងនេះ មានក្តីសង្ឃឹមខ្ពស់។ រហូតដល់ពេលយើងមានវ៉ាក់សាំងសម្រាប់កូវីដ១៩ ដែលមានប្រសិទ្ធភាពហើយ វីរុសនេះនឹងបន្តបាត់មុខពីគ្រប់កន្លែងនៅក្នុងប្រទេស»។
យោងតាមសេចក្តីថ្លែងការណ៍របស់ NRC ក្រុមហ៊ុន CanSino បានទទួលការយល់ព្រមពីប្រទេសចិនឱ្យផលិតវ៉ាក់សាំងកូវីដ១៩ កាលពីដើមឆ្នាំនេះ។ នោះអនុញ្ញាតឱ្យក្រុមហ៊ុននេះ សាកល្បងធ្វើតេស្តលើមនុស្សនៅក្នុងប្រទេសចិន។
គួរបញ្ជាក់ផងដែរថា ក្រុមហ៊ុននេះ គឺជាក្រុមហ៊ុនមួយក្នុងចំណោមក្រុមហ៊ុនផ្សេងទៀត តិចបំផុត នៅលើពិភពលោក ដែលមានសិទ្ធធ្វើតេស្តលើមនុស្ស សម្រាប់វ៉ាក់សាំងបង្កាជំងឺថ្មីនេះ។ កន្លងមក NRC ក៏ធ្លាប់បានសហការជាមួយនឹងក្រុមហ៊ុននេះ ផលិតវ៉ាក់សាំងសម្រាប់ជំងឺអេបូឡា ផងដែរ៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ