រាជធានីភ្នំពេញ ៖ ខណៈដែលថ្មីៗនេះពិធីការិនីជួរមុខនៅកម្ពុជាអ្នកនាង គង់ សុជាតិ ហាក់លេងសម្តីច្រើនលើបណ្តាញសង្គម បន្ទាប់ពីមានព័ត៌មានផ្ទុះរឿងលោកជា វិបុល និងចាន់ កែវនិមល…
រាជធានីភ្នំពេញ ៖ ខណៈដែលថ្មីៗនេះពិធីការិនីជួរមុខនៅកម្ពុជាអ្នកនាង គង់ សុជាតិ ហាក់លេងសម្តីច្រើនលើបណ្តាញសង្គម បន្ទាប់ពីមានព័ត៌មានផ្ទុះរឿងលោកជា វិបុល និងចាន់ កែវនិមល មានបញ្ហារឿងតំណែងកម្មវិធីធំៗនៅស្ថានីយ៍ទូរទស្សន៍ក្នុងស្រុកនោះស្រាប់តែសុខៗអ្នកនាងបានចូលសម្រាកនៅមន្ទីរពេទ្យ ដោយមិនទាន់បានដឹងលម្អិតថា តើអ្នកនាងមានបញ្ហាសុខភាពអ្វីធ្ងន់ធ្ងរឬយ៉ាងណា ។
ក៏ប៉ុន្តែរូបភាពដែលអ្នកនាងគង់ សុជាតិ ចូលសម្រាកពេទ្យ ក៏បង្កឲ្យមានការសួរនាំច្រើនថា តើមូលហេតុអីបានជាធ្វើឲ្យពិធីការិនីចាស់វស្សារូបនេះ ស្រាប់តែធ្លាក់ខ្លួនឈឺ ហើយដល់ថ្នាក់បញ្ជូនសម្រាកពេទ្យប៉ុន្មានថ្ងៃមកងើយ ។
អ្នកនាងបានចូលពេទ្យភ្លាមៗ ក្រោយចប់ការប្រគំតន្ត្រីភេសជ្ជៈ មួយនាចុងអាទិត្យមុន ។ មានកត្តាមួយចំនួនដែលធ្វើអោយសុខភាពរបស់គាត់ចុះខ្សោយប្រឈមលែងបាន ។
មកទល់ពេលនេះ អ្នកនាង គង់ សុជាតិ បានចាកចេញពីមន្ទីរពេទ្យហើយ ក្រោយស្បើយខ្លះពីជំងឺដោយមិនចាំយូរទៀត ព្រោះអ្នកនាងត្រូវចូលបម្រើការងារនៅធីវីច្រើនកម្មវិធី នាចុងសប្តាហ៍នេះ ។
អ្នកនាងហាក់រីករាយតាមដែលមើលរូបភាព ព្រោះបានលោក ជា វិបុលនៅក្បែរមើលថែ ច្របាច់ដៃជើង ។ ហើយជាការរិតចំណងអោយកាន់តែមើលឃើញច្បាស់ទៀតថា ស្នេហារវាងអ្នកនាង និងស្វាមីនៅរឹងមាំបើទោះជាមានរឿងផ្ទុះស្តីពីសម្ព័ន្ធស្នេហាលេចឭបែបណា ។
នៅពេលសួរនាំជុំវិញ រឿងរ៉ាវសម្រាកកាយនៅមន្ទីរពេទ្យដល់អ្នកនាងគង់ សុជាតិ បាននិយាយរួសរាយមកវិញថា «បងឈឺមកពីអស់កម្លាំងប៉ុន្មានថ្ងៃមុន ការងារច្រើនរ៉ាប់រង ផ្សំ និងអាកាសធាតុក្តៅហែង ធ្វើអោយងាយឈឺ និងអត់ងងុយ»។ ឥឡូវបានជាច្រើនហើយសម្រាកនៅផ្ទះញាំរបស់បំប៉ន សុខភាពអោយឆាប់ជា រួចឡើងប៉ុស្តី៍បំពេញការងារទៀត» ។
យ៉ាងណានៅពីក្រោយ រឿងនេះមានគេលើកឡើងថា មូលហេតុឈឺមកពីអ្នកនាង សុជាតិពិបាកចិត្តរឿងគ្រួសារយូរមកហើយ ទើបបាយមិនសូវបាន ហើយអត់ងងុយ គិតច្រើនទើបបាក់កម្លាំង មុនពេលស្នេហាជះពន្លឺមកវិញ ៕
ចែករំលែកព័តមាននេះ