រាជធានីភ្នំពេញ ៖ រយៈពេល១ថ្ងៃ នៅថ្ងៃទី១២ ខែឧសភា ឆ្នាំ២០២០នេះ នគរបាលចរាចរណ៍ទូទាំងប្រទេស បានរកឃើញយានយន្តល្មើសចំនួន១,២១៦គ្រឿង ក្នុងនោះ មានម៉ូតូ៨៩០គ្រឿង និងរថយន្ត ៣២៦គ្រឿង ។
យោងតាមរបាយការណ៍នាយកដ្ឋាននគរបាលចរាចរណ៍និងសណ្តាប់ធ្នាប់សាធារណៈបានឲ្យដឹងថា ៖ សម្រាប់បទល្មើសម៉ូតូ គឺភាគច្រើនមិនពាក់មួកសុវត្ថិភាព និងល្មើសផ្សេងៗ។ ដោយឡែកបទល្មើសរថយន្ត ភាគច្រើនអត់ខ្សែក្រវាត់ បើកលើសល្បឿន ផ្ទុកលើសចំណុះ និងមិនគោរពភ្លើងសញ្ញា។
បើសរុបយានយន្តល្មើសទាំងរយៈពេល១២ថ្ងៃ (ថ្ងៃទី១-១១ ខែឧសភា) មានចំនួន ២០,៨៩៦រឿង ក្នុងនោះម៉ូតូចំនួន១៥,៣៨៨គ្រឿង និងរថយន្ត៥,៥០៨គ្រឿង៕
ចែករំលែកព័តមាននេះ