ប្រទេសកេនយ៉ា ៖ តំបន់ Kibera ដែលជាតំបន់អនាធិបតេយ្យធំបំផុតរបស់ប្រទេសកេនយ៉ា ពេលនេះមានម៉ូដសក់ចម្លងតាមរូបរាងរបស់វីរុស SarsCov-2 ដែលនិយាយឱ្យស្រួលស្តាប់ គឺវីរុសកូរ៉ូណាថ្មី កំពុងតែមានការពេញនិយមខ្លាំង។
ជាមួយនឹងចំនួនអតិថិជនធ្លាក់ចុះ និងប្រាក់ចំណូលរបស់ពួកគេធ្លាក់ចុះ Kibera ត្រូវតែរកវិធីដោះទាល់ពីបញ្ហានេះ។ នៅពាក់កណ្តាលនៃពេលរោគរាតត្បាតកូវីដ១៩ ជាងកាត់សក់ខ្លះបានរកឃើញការបំផុសគំនិតសម្រាប់ស្ទីលម៉ូដសក់ថ្មី ដែលមានរាងដូចវីរុសក្រោមមីក្រូទស្សន៍។ ប៉ុន្តែវាមិនត្រឹមតែអំពីការរចនាប៉ុណ្ណោះទេ។ ស្ទីលម៉ូដសក់ថ្មីនេះ ក៏មានតម្លៃថោកជាងស្ទីលពេញនិយមដទៃទៀតដែរ ដោយវាមានតម្លៃតិចជាង១ដុល្លារ ដែលធ្វើឱ្យវាក្លាយជាជម្រើសដ៏គួរឱ្យទាក់ទាញសម្រាប់អតិថិជនដែលមានបញ្ហាសាច់ប្រាក់។
ខណៈដែលស្ទីលម៉ូដសក់ផ្សេងទៀត ដែលពេញនិយមនៅក្នុងតំបន់អនាធិបតេយ្យ Kibera មានតម្លៃពី ៣០០ ទៅ ៥០០ហ្ស៊ីនស៊ីល (៣ ទៅ ៥ ដុល្លារ) ម៉ូដសក់បែបវីរុសនេះ គឺមានតម្លៃ ០.៥ដុល្លារ និងមានផ្តល់ព័ត៌មានស្តីអំពីជំងឺកូវីដ១៩។
តាមពិតទៅស្ទីលម៉ូដសក់បែបនេះ គឺមានមកជាយូរហើយ ដែលមានប្រភពពីប្រទេសប្រេស៊ីលនិងចិន ហើយក៏មិនសូវជាពេញនិយមទៀតដែរ។ តែពេលនេះ កូវីដបានជួយធ្វើឱ្យវាមានដង្ហើមមកវិញ៕ ដកស្រង់ចេញពីវេបសាយ ៖ odditycentral (កែសម្រួលដោយ ៖ បុប្ផា)
ចែករំលែកព័តមាននេះ