រាជធានីភ្នំពេញ ៖ បើទោះបីជាប្រពន្ធជាទីស្រលាញ់បានឃ្លាតចាកឆ្ងាយអស់រយៈពេល ៣ ឆ្នាំទៅហើយក្តី តែតារាកំប្លែងជើងចាស់ នាយហុងដា ហាក់មិនទាន់រំសាយនូវអារម្មណ៍នឹកនាភរិយាឡើយ ជាពិសេសលោកបានមើលថែកូនស្រីតូចយ៉ាងយកចិត្តទុកដាក់បំផុត ខណៈដែលនាងតូចកាន់តែចម្រើនវ័យជាមួយឪពុក…
រាជធានីភ្នំពេញ ៖ បើទោះបីជាប្រពន្ធជាទីស្រលាញ់បានឃ្លាតចាកឆ្ងាយអស់រយៈពេល ៣ ឆ្នាំទៅហើយក្តី តែតារាកំប្លែងជើងចាស់ នាយហុងដា ហាក់មិនទាន់រំសាយនូវអារម្មណ៍នឹកនាភរិយាឡើយ ជាពិសេសលោកបានមើលថែកូនស្រីតូចយ៉ាងយកចិត្តទុកដាក់បំផុត ខណៈដែលនាងតូចកាន់តែចម្រើនវ័យជាមួយឪពុក ។
នាយ ហុងដា ដែលតែងសម្តែងកំប្លែងលើឆាកយ៉ាងស័ក្តសមជាមួយនឹងនាយក្រិនបង្កើតជាសំណើចដល់មហាជនឲ្យភ្លេចអស់ទុក្ខព្រួយ ។ ថ្មីៗនេះនាយហុងដា បានបង្ហោះសារ និងបង្ហាញរូបថតកូនតូចដែលកំព្រាមាតា បានធ្វើអោយអ្នកគាំទ្រមានការអាណិតអាសូរជាខ្លាំង ទៅលើការនឹករលឹកប្រពន្ធជាទីស្រលាញ់របស់ខ្លូន បន្ទាប់ពីឃ្លាតចាកអស់រយៈពេល ៣ឆ្នាំកន្លងមក។
កាលពីថ្ងៃទី១០ ខែឧសភា ឆ្នាំ២០២០ នេះគឺត្រូវជាថ្ងៃគម្រប់ខួបនៃការស្លាប់របស់ប្រពន្ធនាយហុងដា បានធ្វើអោយតារាកំប្លែងរូបនេះ សរសេរសារយ៉ាងក្ដុកក្តួលក្នុងចិត្តថា «ថ្ងៃដែលអូនឃ្លាតចាកឆ្ងាយចោលបង កូនយើងធំហើយៗឆ្លាតខ្លាំងណាស់ បងនឹកអូនខ្លាំងណាស់» នៅក្នុងបណ្តាសង្គម Facebook របស់លោក។
បន្ទាប់ពីប្រពន្ធទី២ របស់នាយហុងដា ឃ្លាតចាកលោកមក ដោយបន្សល់នួវកូនស្រី ដែលជាចំណងដៃរវាងអ្នកទាំងពីរ នាយហុងដា នៅតែរក្សាក្តីស្រលាញ់ចំពោះកូនប្រពន្ធដដែល មិនទាន់មានដំណឹងណាមួយមានការជាប់ទាក់ទងជាមួយនរណាម្នាក់ឡើយនាពេលបច្ចុប្បន្ននេះ។
គួរបញ្ចាក់ផងដែរថា នេះអស់រយៈពេល ៣ឆ្នាំហើយ ដែលប្រពន្ធទី២ នាយហុងដា ឃ្លាតឆ្ងាយពីរូបលោក និងកូន ដោយត្រូវបានកូនប្រពន្ធដើមរបស់នាយហុងដាបានសម្លាប់រូបនាង។ ក៏ប៉ុន្តែបើមើលទៅនាងតូចកូនស្រីនាយហុងដា ឃើញថា មានមុខមាត់គួរឲ្យខ្នាញ់ និងមានស្នាមញញឹមស្រស់ដូចជា អ្នកម្តាយរបស់នាងអញ្ចឹង ៕
ចែករំលែកព័តមាននេះ