រាជធានីភ្នំពេញ ៖ យោងតាមស្ថានទូតចិនប្រចាំនៅកម្ពុជា បានបញ្ជាក់អោយដឹងនៅលើបណ្ដាញសង្គមហ្វេសប៊ុក នាថ្ងៃទី១២ ខែឧសភា ឆ្នាំ២០២០នេះថា សម្ភារទប់ស្កាត់នឹងជំងឺវីរុស COVID-19 ដែលជាជំនួយថ្មីមួយទៀត…
រាជធានីភ្នំពេញ ៖ យោងតាមស្ថានទូតចិនប្រចាំនៅកម្ពុជា បានបញ្ជាក់អោយដឹងនៅលើបណ្ដាញសង្គមហ្វេសប៊ុក នាថ្ងៃទី១២ ខែឧសភា ឆ្នាំ២០២០នេះថា សម្ភារទប់ស្កាត់នឹងជំងឺវីរុស COVID-19 ដែលជាជំនួយថ្មីមួយទៀត របស់ប្រទេសចិន ជូនចំពោះកម្ពុជា នឹងមកដល់ប្រទេសកម្ពុជាជាបន្តបន្ទាប់ ។
តាមការគ្រោងទុកមុន នារាត្រីថ្ងៃទី១១ និង១៣ ខែឧសភា សម្ភារទប់ស្កាត់នឹងជំងឺវីរុសCOVID-19 ដែលជាជំនួយរបស់ចិន ជូនចំពោះកម្ពុជានឹងមកដល់រាជធានីភ្នំពេញ តាមផ្លូវអាកាស ។ សម្ភារទាំងនោះរួមមានសារធាតុតេស្តរកជំងឺ កូវីដ១៩ចំនួន៥០,០១៦សម្រាប់ សម្លៀកបំពាក់ការពារចំនួន១៨,០០០កំផ្លេ វ៉ែនតាការពារចំនួន៣០,០០០ និងប្រដាប់វាស់កម្ដៅ ចំនួន២០០គ្រឿង សម្ភារទាំងនេះត្រូវបានទទួលដោយក្រសួងសុខាភិបាលកម្ពុជា ។
ប្រទេសចិននឹងបន្តផ្តល់ជំនួយជាសម្លៀកបំពាក់ការពារ ម៉ាស និងសម្ភារផ្សេងទៀតជាបន្តបន្ទាប់ បន្តផ្តល់កម្លាំងគាំទ្រក្នុងកិច្ចទប់ស្កាត់នឹងជំងឺកូវីត១៩ មួយនេះ នៅក្នុងប្រទេសកម្ពុជា ។
សូមជម្រាបថា ក្រសួងសុខាភិបាលនៅព្រឹកថ្ងៃទី១២ ឧសភានេះ បានបញ្ជាក់ថា អ្នកឆ្លងជំងឺកូវីដ១៩ ម្នាក់ទៀត បានជាសះស្បើយ ពោលគឺអ្នកជាសះស្បើយសរុប១២១នាក់ហើយ ក្នុងចំណោមអ្នកឆ្លង១២២នាក់ ។ ហើយនៅតែម្នាក់ប៉ុណ្ណោះ បានកំពុងសម្រាកព្យាបាលនៅមន្ទីរពេទ្យមិត្តភាពខ្មែរសូវៀត ។ អ្នកដែលកំពុងសម្រាកព្យាបាលជាស្ត្រីរស់នៅខេត្តបន្ទាយមានជ័យ ហើយអ្នកដែលជាសះស្បើយនេះមានអាយុ៧៥រស់នៅខេត្តកំពង់ឆ្នាំង ។ ក្រសួងបានលើកឡើងទៀតថា អ្នកជាសះស្បើយនេះត្រូវបានអនុញ្ញាតឲ្យចេញពីមន្ទីរពេទ្យហើយ បន្ទាប់ពីធ្វើតេស្តជំងឺកូវីដ១៩ ចំនួន២ដង ៕
ចែករំលែកព័តមាននេះ