ខេត្តព្រះសីហនុ ៖ បើទោះបីជាអាជ្ញាធរដែនដី សមត្ថកិច្ចពាក់ព័ន្ធគ្រប់គ្រងដីរដ្ឋ ក៏ដូចជាម្ចាស់ដីស្របច្បាប់មួយចំនួន បានខិតខំទប់ស្កាត់នូវភាពអនាធិបតេយ្យពីសំណាក់ជនខិលខូចយ៉ាងណាក្តី ក៏នៅតែមានមនុស្សមួយចំនួនតូចនៅតែព្យាយាមចូលកាន់កាប់ទាំងបំពាន ជាហេតុធ្វើអោយសមត្ថកិច្ច និងម្ចាស់ដីស្របច្បាប់ ឈឺក្បាលយ៉ាងខ្លាំង…
ខេត្តព្រះសីហនុ ៖ បើទោះបីជាអាជ្ញាធរដែនដី សមត្ថកិច្ចពាក់ព័ន្ធគ្រប់គ្រងដីរដ្ឋ ក៏ដូចជាម្ចាស់ដីស្របច្បាប់មួយចំនួន បានខិតខំទប់ស្កាត់នូវភាពអនាធិបតេយ្យពីសំណាក់ជនខិលខូចយ៉ាងណាក្តី ក៏នៅតែមានមនុស្សមួយចំនួនតូចនៅតែព្យាយាមចូលកាន់កាប់ទាំងបំពាន ជាហេតុធ្វើអោយសមត្ថកិច្ច និងម្ចាស់ដីស្របច្បាប់ ឈឺក្បាលយ៉ាងខ្លាំង ដោយពួកគេយកឡេះនេះឡេះនោះមកបកស្រាយ។
ថ្លែងនៅចំពោះមុខបណ្តាញសារព័ត៌មាន លោក លឹម ងួន ម្ចាស់ទីតាំងដីស្ថិតក្នុងភូមិឬទ្ឋី២ឃុំ កែវផុស ស្រុកស្ទឹងហាវ ខេត្តព្រះសីហនុ បានអំពាវនាវយា់ងទទូចដល់ស្ថាប័នពាក់ព័ន្ឋ គ្រប់ជំនាញជាន់ថ្នាក់ មេត្តាជួយដល់រូបលោក ព្រោះមួយរយះចុងក្រោយនេះ មានមនុស្សមួយក្រុមានគ្នាប្រមាណជាង១០នាក់ បានចូលមករុករានទន្ទ្រានកាន់កាប់ដីរបស់លោក ដោយបានសាងសង់ជាកូនរោងតូចៗចំនួន០៤ បើទោះបីជារូបគាត់រួមជាមួយមន្ត្រីនគរបាលប៉ុសិ៍រដ្ឋបាលកែវផុស និង អាជ្ញាធរឃុំ ចុះអប់រំណែនាំអោយបញ្ឃប់សកម្មភាព យ៉ាងណាក៏ដោយ ក៏ពួកគេនៅតែបន្តសកម្មភាព ដោយយកឡេះនេះឡេះនោះមិនចេះចប់។
ប្រភពដ៏ដែលបានបន្តទៀតថា ទីតាំងដីនេះ មានទំហំជា១០០ហិចតា ដោយលោកបានទិញចូលហ៊ុនគ្នាតាំងពីឆ្នាំ២០០៥មកម្ល៉េះ ដោយមានការទទួលស្គាល់ពីមេភូមិ មេឃុំ ជាមិត្តភ័ត្រមួយចំនួន ក្នុងនោះក៏មានបងប្អូនប្រជាពលរដ្ឋជាច្រើននាក់ផងដែរ ដោយកាលនោះទីតាំងដីនេះស្ថិតក្នុងស្រុកស្រែអំបិល ខេត្តកោះកុង ប៉ុន្តែក្រោយក៏កាត់ចូលមកស្រុកស្ទឹងហាវ ខេត្តព្រះសីហនុ រហូតមកដល់ដើមឆ្នាំ២០២០នេះ ស្រាប់តែលេចមុខប្រជាពលរដ្ឋមួយក្រុមមានគ្នាជា១០នាក់បានចូលមករុករាន សាងសង់រោងតូចៗវាស់ដីចែកគ្នា ធ្វើព្រងើយ បើទោះបីជាពួកគាត់ខិតខំសម្របសម្រួល យ៉ាងណាក៏ដោយ ក៏ពួកគេពុំស្តាប់ដែរ។
លោក អ៊ុំ ( ស៊ឹម មីន ) ជាជំទប់ឃុំ កែវ ផុស បានអះអាងថា ក្នុងនាមរូបគាត់ជាអាណាព្យាបាលរបស់ប្រជាពលរដ្ឋ នៅក្នុងឃុំកែវផុសនេះ លោកបានដឹងយ៉ាងច្បាស់ថា ប្រជាពលរដ្ឋណាមានដីប៉ុន្មាន នៅកន្លែងណា មានព្រុំប្រទល់ជាមួយអ្នកណាខ្លះ។ ដោយឡែកចំពោះទីតាំងដីទំនាស់នេះ លោកបានដឹងយ៉ាងច្បាស់ថា ជាដីរបស់ក្រុមលោក លឹម ងួន ពិតប្រាកដមែន ហើយចំពោះប្រជាពលរដ្ឋជាង១០គ្រួសារនេះ លោក ពុំដឹងថាមកពីណាខ្លះទេ និយាយជារួមក្នុងគល់បញ្ចីដីធ្លីពុំមាននោះទេ ដូចនេះក្នុងនាមលោកជាជំទប់នៃសាលាឃុំកែវផុស ជាសេនាធីការអោយលោក មេឃុំ លោក នឹងធ្វើរបាយការណ៏ជាក់លាក់មួយបញ្ជូនទៅលោក មេឃុំ លោក អភិបាលស្រុក ដើម្បីអនុវត្តន៏ទៅតាមនិតិវិធី។
ដោយឡែក តំណាងប្រជាពលរដ្ឋជាង១០គ្រួសារ ដែលត្រូវអាជ្ញាធរបដិសេធថា ជាជនអនាធិបតេយ្យ ពុំមានគល់បញ្ចីកាន់កាប់ដីធ្លីនៅតំបន់នោះ នៅតែអះអាងថា ពួកគាត់មានគ្នាចំនួន១២គ្រួសារ មានផ្ទៃដីរួម ជាង៦ហិកតា ពួកគាត់បានចូលមកកាន់កាប់ទីតាំងដីនេះតាំងពីឆ្នាំ២០០៣ ដោយមានលិខិតបញ្ជាក់ពីមេភូមិ ត្រឹមត្រូវ ប៉ុន្តែនៅពេលនេះ ពួកលោកពុំបានយកឯកសារនោះមកជាមួយនោះទេ តែពួកលោក នឹងយកឯកសារពាក់ព័ន្ឋនឹងដីនេះទៅបង្ហាញនៅចំពោះមុខលោក មេឃុំកែវផុសនៅថ្ងៃក្រោយ។
ចែករំលែកព័តមាននេះ