ខេត្តមណ្ឌលគិរី ៖ ផ្ទះចំនួន៥ខ្នងបានរងការវាយប្រហារពីខ្យល់កន្ត្រាក់ បណ្តាលឲ្យបាក់រាបដល់ដីចំនួន២ខ្នង តែមិនមានមនុស្សណាម្នាក់រងរបួសនោះទេ។ លោក នួន សារ៉ន អភិបាលស្រុកកែវសីមាបានឲ្យដឹងថា កាលពីវេលាម៉ោង៦និង៤០…
ខេត្តមណ្ឌលគិរី ៖ ផ្ទះចំនួន៥ខ្នងបានរងការវាយប្រហារពីខ្យល់កន្ត្រាក់ បណ្តាលឲ្យបាក់រាបដល់ដីចំនួន២ខ្នង តែមិនមានមនុស្សណាម្នាក់រងរបួសនោះទេ។
លោក នួន សារ៉ន អភិបាលស្រុកកែវសីមាបានឲ្យដឹងថា កាលពីវេលាម៉ោង៦និង៤០ នាទីយប់ថ្ងៃទី៩ ខែឧសភា ឆ្នាំ២០២០ នៅភូមិហ្គាទី ឃុំស្រែព្រះ ស្រុកកែវសីមា មានករណីខ្យល់កន្ត្រាក់ បណ្ដាលឱ្យខូចខាតផ្ទះរបស់ប្រជាពលរដ្ឋរួមមាន ១-ឈ្មោះ ស្រន ផ្លច ភេទ ស្រី អាយុ៤៥ឆ្នាំ ជាម្ចាស់ផ្ទះមានទំហំទទឹង៦ម៉ែត្រ បណ្ដោយ៧ម៉ែត្រ ដំបូលប្រក់សង្ក័សី រងការខូចខាតអស់ទាំងស្រុង ២-ឈ្មោះ យ៉ន់ ថារិទ្ធ ភេទប្រុស អាយុ៣៨ឆ្នាំ ជាម្ចាស់ផ្ទះមានទទឹង៥ម៉ែត្រ បណ្ដោយ៧ម៉ែត្រ ដំបូលប្រក់សង្ក័សី រងការខូចខាតអស់ទាំងស្រុង ។
៣-ឈ្មោះ ញ៉ឹក ប៊ុនធឿន ភេទប្រុស អាយុ៤៥ឆ្នាំ រងការខូចខាតរបើកដំបូលសង្ក័សីចំនួន២សន្លឹក ៤-ឈ្មោះ ស្រើប ឈឿន ភេទប្រុស អាយុ៥២ឆ្នាំ រងការខូចខាតរបើកដំបូល និង៥-ឈ្មោះ ពឿន ណង់ ភេទប្រុស អាយុ៣៨ឆ្នាំ រងការខូចខាតរបើកដំបូល ។
លោកអភិបាលស្រុកបញ្ជាក់ថា មុនកើតហេតុនេះមានភ្លៀងរលឹមតិចៗ ប៉ុន្តែលាយឡំខ្យល់កន្ត្រាក់ខ្លាំង ទើបបណ្តាលឲ្យប៉ះពាល់ដល់លំនៅឋានប្រជាពលរដ្ឋ៕ (កែសម្រួលដោយ ៖ ធីតា)
ចែករំលែកព័តមាននេះ