ខេត្តបន្ទាយមានជ័យ ៖ លំនៅឋាននិងអគារសាលារៀនឯកជនមួយ បានត្រូវព្រះអគ្គីលេបត្របាក់អស់ទាំងស្រុងទោះជាមានភ្លៀងកំពុងធ្លាក់មួយមេធំ និងរថយន្តពន្លត់អគ្គិភ័យធ្វើអន្តរាគមន៍ពន្លត់ក្តី ។ ឧបទ្ទវហេតុនេះ កើតឡើងកាលពីវេលាម៉ោងប្រមាណ៩និង៣០នាទីព្រឹកថ្ងៃទី១១ ខែឧសភា ឆ្នាំ២០២០…
ខេត្តបន្ទាយមានជ័យ ៖ លំនៅឋាននិងអគារសាលារៀនឯកជនមួយ បានត្រូវព្រះអគ្គីលេបត្រ
បាក់អស់ទាំងស្រុងទោះជាមានភ្លៀងកំពុងធ្លាក់មួយមេធំ និងរថយន្តពន្លត់អគ្គិភ័យធ្វើអន្តរាគមន៍ពន្លត់ក្តី ។ ឧបទ្ទវហេតុនេះ កើតឡើងកាលពីវេលាម៉ោងប្រមាណ៩និង៣០នាទីព្រឹកថ្ងៃទី១១ ខែ
ឧសភា ឆ្នាំ២០២០ នៅភូមិព្រះពន្លា សង្កាត់ព្រះពន្លា ក្រុងសិរីសោភ័ណ ។
ម្ចាស់ផ្ទះដែលរងគ្រោះដោយអគ្គិភ័យនេះឈ្មោះ អេប ពៅ ភេទប្រុស អាយុ៤៦ឆ្នាំ ជាអនុប្រធានចលនាយុវជនកម្ពុជាក្រុម១៥៧ ក្រុងសិរីសោភ័ណ និងជាអ្នកសារព័ត៌មាន ប្រពន្ធឈ្មោះ ឈុន វណ្ណា អាយុ៤៥ឆ្នាំ ជាគ្រូបង្រៀន។
មន្ត្រីនគរបាលពន្លត់អគ្គិភ័យនៃស្នងការដ្ឋានខេត្ត និយាយថា ការកើតមានអគ្គិភ័យនេះអាចបណ្តាលមកពីឆ្លងចរន្តអគ្គិសនី ដោយដំបូងឆេះនៅផ្ទះផ្នែកខាងលើហើយក៏បន្តរាលដាល ខណៈម្ចាស់ផ្ទះកំពុងអង្គុយនៅក្នុងអគារសាលារៀននៅខាងមុខផ្ទះ ។ នៅពេលមានអគ្គិភ័យនេះដែរ អ្នកជិតខាងបានជួយពន្លត់ ហើយរថយន្តពន្លត់អគ្គិភ័យចំនួន៣គ្រឿងរបស់ស្នងការដ្ឋាននគរបាលខេត្ត ក៏បានមកជួយអន្តរាគមន៍បាញ់ទឹកពន្លត់ និងមានកម្លាំងនគរបាលខេត្ត ក្រុង និងកម្លាំងយោធាតំបន់ប្រតិបត្តិការសឹករងខេត្ត និងកម្លាំងកងរាជអាវុធហត្ថបានជួយពន្លត់់ផងដែរ ។
មន្ត្រីនគរបាលពន្លត់អគ្គិភ័យនិយាយថា ចំពោះការខូចខាតដោយសារអគ្គិភ័យនេះមាន ផ្ទះឈើលើថ្មក្រោមដែលមានបណ្តោយ១៥ម៉ែត្រ ទទឹង៧ម៉ែត្រ ទ្រព្យសម្បត្តិ និងសម្ភារផ្សេងទៀតត្រូវឆេះអស់ទាំងស្រុង និងសម្ភារសាលាឯកជនក៏ឆេះអស់គ្មានសល់ដែរ ដែលគិតជាទឹកប្រាក់មិនតិចម៉ឺនដុល្លារនោះទេ ។
ជាការកត់សម្គាល់ នៅពេលកើតមានអគ្គិភ័យនេះ គេឃើញអភិបាលខេត្ត ឯកឧត្តម អ៊ុំ រាត្រី ឧត្តមសេនីយ៍ទោ ឈុន ម៉ៅ មេបញ្ជាការទិសទី១បន្ទាយមានជ័យ និងឧត្តមសេនីយ៍ត្រី សិទ្ធ ឡោះ ស្នងការរងនគរបាលខេត្ត និងអភិបាលក្រុងសិរីសោភ័ណលោក ហ៊ឹល រ៉ាយ៉ា ក៏មានវត្តមានដឹកនាំការពន្លត់ភ្លើងនេះដែរ តែមិនអាចជួយបាន គឺបានត្រឹមទប់ស្កាត់កុំឱ្យមានការឆេះរាលដាលប៉ុណ្ណោះ ៕ (កែសម្រួលដោយ ៖ បុប្ផា)
ចែករំលែកព័តមាននេះ