រាជធានីភ្នំពេញ៖ កាលពីពេលថ្មីៗនេះ តារាចម្រៀងលំដាប់ជួរមុខនៅកម្ពុជា អ្នកនាងម៉េង កែវពេជ្ជតា ត្រូវបានស្ត្រីម្នាក់សរសេរលើបណ្តាញសង្គមគំរាមសម្លាប់រូបអ្នកនាង រហូតតារាចម្រៀងរូបនេះ សម្រេចចិត្តដាក់ពាក្យបណ្តឹងឲ្យសមត្ថកិច្ចជួយអ្នកនាង ស្រាប់តែរឿងគម្រាមសម្លាប់មិនទាន់បានដោះស្រាយនៅឡើយនោះ អ្នកនាងម៉េង កែវពេជ្ជតា បានធ្វើការឡាយនៅក្នុងបណ្តាសង្គមរបស់នាងនិយាយពីជីវិតបែកបាក់គ្រួសារកន្លងមក ។
តារាចម្រៀងដែលមានទឹកដមសម្លេងពីរោះរណ្តំ និងមានសមត្ថភាពខ្ពស់ក្នុងការបកស្រាយនូវបទចម្រៀងគ្រប់ទម្រង់មិនថា ប្រពៃណីបុរាណ ឬក៏សម័យនោះបានសរសេរសារលើហ្វេសប៊ុកផ្លូវការរបស់អ្នកនាងថា «ថ្ងៃបុណ្យអ្នកម្តាយ Mother’s Day ឆ្នាំនេះ សូមចាត់ទុកថា គឺជាថ្ងៃដ៏វិសេសវិសាលណាស់ ព្រោះគឺជាខួប១០ឆ្នាំនៃការលែងលះរបស់ខ្ញុំ ដោយប្រព័ន្ធតុលាការ ហើយដែលរឹតតែអស់ទាស់នោះ គឺមានលេចនូវវត្តមានភ្ញៀវគ្មានសំបុត្រអញ្ជើញចូលមករួមសម្តែងក្តីក្តៅក្រហាយ តែខ្ញុំមិនខ្លាចទេ ។ ចាំមើលក្រោយពីទទួលបានការតបឆ្លើយពីខ្ញុំហើយ នឹងមានរឿងអ្វីកើតឡើងខ្លះ?? » ។
ដោយឡែក នៅក្នុងការឡាយរបស់នាង ម៉េង កែវពេជ្ចតា កាលពីល្ងាចម្សិលមិញនេះ អស់រយៈពេលជិត ៤ម៉ោង អ្នកនាងសុទ្ធតែនិយាយពីរឿងគ្រួសាររបស់អ្នកនាងតែប៉ុណ្ណោះ មិនមានរឿងអ្វីទាក់ទងដល់ទៅការគំរាមសម្លាប់នោះឡើយទៀតនោះទេ ។
ក្នុងនោះ អ្នកនាងបានទម្លាយចេញនូវមូលហេតុមួយក្នុងចំណោមមូលហេតុជាច្រើន ដែលអ្នកនាងសម្រេចចិត្តដើរដល់ផ្លូវបំបែកជាមួយអតីតស្វាមី ដោយអ្នកនាងបានថ្លែងយ៉ាងដូច្នេះថា មូលហេតុពីនៃការលែងលះពីព្រោះតែ ប្តីរបស់ខ្ញុំមានស្រីរហូតដល់ទៅ ២ នាក់ ធ្វើបាបខ្ញុំរាល់ថ្ងៃ ហើយបូករួមទាំងមានម្តាយក្មេកដើរនិយាយដើមខ្ញុំទៀត» ៕
ចែករំលែកព័តមាននេះ