រាជធានីភ្នំពេញ ៖ រដ្ឋមន្ត្រីក្រសួងសុខាភិបាលបានបញ្ជាក់ឲ្យដឹងថា ក្រសួងនឹងរឹតបន្តឹងបន្ថែមទៀត នៅព្រលានយន្តហោះ ដើម្បីទប់ស្កាត់ការនាំជំងឺកូវីដ១៩មកពីខាងក្រៅ ។ ការបញ្ជាក់របស់លោករដ្ឋមន្ត្រី ម៉ម ប៊ុនហេង…
រាជធានីភ្នំពេញ ៖ រដ្ឋមន្ត្រីក្រសួងសុខាភិបាលបានបញ្ជាក់ឲ្យដឹងថា ក្រសួងនឹងរឹតបន្តឹងបន្ថែមទៀត នៅព្រលានយន្តហោះ ដើម្បីទប់ស្កាត់ការនាំជំងឺកូវីដ១៩មកពីខាងក្រៅ ។ ការបញ្ជាក់របស់លោករដ្ឋមន្ត្រី ម៉ម ប៊ុនហេង ធ្វើឡើងក្នុងសន្និសីទសារព័ត៌មាន នាព្រឹកថ្ងៃទី១១ ខែឧសភា ឆ្នាំ២០២០ នៅទីស្តីការក្រសួង ។
លោករដ្ឋមន្ត្រីបានបញ្ជាក់ថា«ខ្ញុំកំពុងចេញគោលការណ៍ប្រតិបត្តិនៅតាមអាកាសយាន្តដ្ឋានដើម្បីត្រួតពិនិត្យអ្នកចេញចូលអាកាសយានដ្ឋាន ករណីនៅស្រុកខ្មែរ គឺករណីនាំចូល អញ្ចឹងត្រូវធ្វើឲ្យបានតឹងរឹងថែមទៀត» ។
លោករដ្ឋមន្ត្រីបានបន្តថា ការការរឹតបន្តឹងនេះដោយដាក់ម៉ាស៊ីនត្រួតពិនិត្យអ្នកធ្វើដំណើរទាំងអស់ ដើម្បីស្វែករកអ្នកជំងឺកូវីដ១៩ ។ យើងដាក់ដើមពង្រឹងការតាមដានជំងឺនេះបម្ថែមទៀតពីព្រោះយើងករណីចូលស្រុកខ្មែរជាករណីនាំចូល ដូច្នេះយើងពង្រឹងឲ្យបានម៉ត់ចត់ថែមទៀត ។
លោករដ្ឋមន្ត្រីបានបន្តថា ការពង្រឹងនោះយើងដាក់ប៉ាន័រ នៅតាមព្រលានយន្តហោះ ហើយអ្នកចេញចូលព្រលានត្រូវមានលិខិតបញ្ជាក់ថា មិនមានវីរុស 2019 កូវីដ១៩នោះទេ ហើយត្រូវពិនិត្យក្នុងរយៈពេល៧២ម៉ោង ។
អ្នកទាំងនោះត្រូវធ្វើចក្តាឡីស័ក១៤ថ្ងៃ ហើយត្រូវបង់លុយទុក ហើយបន្ទាប់មកក្រុមចក្តាឡីស័កនឹងធ្វើការជាមួយអាកាសយាន្តដ្ឋានក្នុងការអនាម័យឲ្យកាន់តែល្អថែមទៀត ដើម្បីថា កម្ពុជាគ្មានជំងឺកូវីដ១៩ ។ លោកបន្ថែមថា ការធ្វើអ្វីៗ គឺត្រូវធ្វើជាអន្តរក្រសួង មិនអាចធ្វើតែក្រុមចក្តាឡីស័កតែមួយនោះទេ ៕
ចែករំលែកព័តមាននេះ