រាជធានីភ្នំពេញ ៖ រដ្ឋមន្ត្រីក្រសួងសុខាភិបាលបានអំពាវនាវដល់ប្រជាពលរដ្ឋដែលមានបំណងហូបអាហារនៅតាមអាហារដ្ឋាន សូមកុំទៅហូបនៅកន្លែងណាដែលគ្មានអនាម័យ ទប់ស្កាត់ការឆ្លងជំងឺកូវីដ១៩នោះ សូមកុំទៅហូបឲ្យសោះ ទុកឲ្យហាងនោះស្លាប់ ឬបិទដោយខ្លួនឯង ។
លោករដ្ឋមន្ត្រីបានលើកឡើងក្នុងសន្និសីទសារព័ត៌មាន នាព្រឹកថ្ងៃទី១១ ខែឧសភានេះថាអាហារដ្ឋានណាដែលគ្មានអនាម័យ សូមបងប្អូនកុំទៅទទួលទានឲ្យសោះ ចៀសវាងការឆ្លងជំងឺ ពិសេសនោះករណីជំងឺកូវីដ១៩ ។
ការបញ្ជាក់របស់លោករដ្ឋមន្ត្រី ខណៈដែលគេសង្កេតឃើញមានហាងមួយចំនួនបានបើកដំណើរការបន្ទាប់ពីឃើញស្ថានភាពធូរស្បើយពីជំងឺកូវីដ១៩ ។ ដោយហាងខ្លះមិនសូវគិតគូពីអនាម័យ ដើម្បីទប់ស្កាត់ពីការឆ្លងជំងឺកូវីដ១៩នោះទេ ។
ចំណែកតំណាងអង្គការសុខភាពពិភពលោក លោក ស្រី Li Ailan បានលើកឡើងថា ប្រជាពលម្នាក់សុទ្ធតែចង់ឲ្យស្ថានភាពដូចដើមវិញ ប៉ុន្តែចំណុចនេះយើងមិនអាចធ្វើបានទេ ។ គឺត្រូវធ្វើជាតំណាក់កាល ដើម្បីចៀសវាងការរីករាលដាលជំងឺនេះឡើងវិញ រហូតដល់ធ្វើឲ្យមានករណីបិទតំបន់មួយចំនួនក៏ថាបាន ។ លោកស្រីថា យើងមិនត្រូវប្រញាប់ប្រញាល់ពេកក្នុងការចង់ឲ្យស្ថានភាពដូចដើមនោះទេ ៕ កែសម្រួលដោយ ៖ សុឃាក់
ចែករំលែកព័តមាននេះ