ចាប់ពីថ្ងៃស្អែកទៅ អាមេរិកចាប់ផ្តើមទិញទំនិញកសិផលមានតម្លៃ៣ពាន់លានដុល្លារ
វ៉ាស៊ីនតោន ៖ ប្រធានាធិបតីសហរដ្ឋអាមេរិកលោក ដូណាល់ ត្រាំ កាលពីថ្ងៃសៅរ៍ បាននិយាយថា សហរដ្ឋអាមេរិកនៅសប្តាហ៍នេះ នឹងចាប់ផ្តើមទិញទឹកដោះ សាច់…
វ៉ាស៊ីនតោន ៖ ប្រធានាធិបតីសហរដ្ឋអាមេរិកលោក ដូណាល់ ត្រាំ កាលពីថ្ងៃសៅរ៍ បាននិយាយថា សហរដ្ឋអាមេរិកនៅសប្តាហ៍នេះ នឹងចាប់ផ្តើមទិញទឹកដោះ សាច់ និងផលិតផលផ្សេងពីកសិករអាមេរិកក្នុងរង្វង់ទឹកប្រាក់ប្រមាណ ៣ ពាន់លានដុល្លារ ខណៈដែលភាពអត់ការងារធ្វើបានកើនឡើងខ្ពស់នៅអាមេរិក ហើយប្រជាជនត្រូវបានបង្ខំឲ្យចូលធ្វើការនៅផ្នែកអាហារ។ នេះបើយោងតាមការចុះផ្សាយរបស់ទីភ្នាក់ងារ Reuters ចុះថ្ងៃទី ១០ ឧសភា ឆ្នាំ២០២០ ។
លោក ត្រាំ បានសរសេរនៅក្នុងបណ្តាញសង្គម Twitter ថា «តាមរយៈការបញ្ជារបស់ខ្ញុំ នៅដើមសប្តាហ៍ក្រោយ សហរដ្ឋអាមេរិកនឹងទិញពីកសិករ អ្នកចិញ្ចឹមសត្វ និងអ្នកដាំដំណាំ ជាពិសេសផ្សេងៗក្នុងទំហំទឹកប្រាក់ ៣ ពាន់លានដុល្លារ សម្រាប់ផលិតផលដូចជា ទឹកដោះគោ សាច់ និងផលិតសំរាប់អាហារនិងផ្ទះបាយ» ។
យ៉ាងណាមិញ គេមិនទាន់ច្បាស់ទេថា តើសេចក្តីថ្លែងការណ៍របស់លោកត្រាំសំដៅទៅលើផែនការផ្តល់ជំនួយសង្គ្រោះចំនួន ១៩ ពាន់លានដុល្លារដែលប្រកាសដោយក្រសួងកសិកម្មសហរដ្ឋអាមេរិកកាលពីខែមេសា ឬយ៉ាងណា? ទីភ្នាក់ងារនេះបាននិយាយថា ខ្លួននឹងទិញទំនិញកសិកម្មមានតម្លៃ ៣ ពាន់លានដុល្លារដែលជាផ្នែកមួយនៃកម្មវិធីនោះ។
ក៏ប៉ុន្តែសេតវិមានមិនបានឆ្លើយតបភ្លាមៗចំពោះសំណើសុំការអត្ថាធិប្បាយទេលើបញ្ហានេះនៅឡើយទេ ៕ ដកស្រង់ចេញពីវេបសាយ ៖ reuters (កែសម្រួលដោយ ៖ បុប្ផា)
ចែករំលែកព័តមាននេះ