រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា ប្រទះឃើញសពបុរសម្នាក់ស្វិតក្រៀមសល់តែឆ្អឹងនិងស្បែកក្នុងព្រៃកន្ទ្រៀងខែតតាមទំនាបបឹងតាមោកក្បែររណ្តៅដីតាកៅ បង្កអោយមានការភ្ញាក់ផ្អើលនារសៀលថ្ងៃទី១០ ខែឧសភា នេះនៅចំងាយប្រមាណ៣០ម៉ែត្រពីមហាវិថីឈ្នះឈ្នះ សង្កាត់គោករការ ខណ្ឌព្រែកព្នៅ រាជធានីភ្នំពេញ។
សពបុរសម្នាក់ខាងលើនោះត្រូវបានគេប្រទះឃើញស្ថិតក្នុងសភាពដេកបាត់បង់ជីវិតទាំងអាក្រាតកាយ និងស្វិតក្រៀមលែងស្អុយទៅហើយ ដោយគេពុំដឹងថា បុរសរងគ្រោះខាងលើនោះបាត់បង់ជីវិតតាំងពីពេលណា និងដោយសារមូលហេតុអ្វីនោះទេ ហើយក៏ពុំទាន់ស្គាល់អត្តសញ្ញាណផងដែរ។
តាមសេចក្តីរាយការណ៍បានអោយដឹងបន្តថា នៅវេលាម៉ោងប្រមាណ១រសៀលថ្ងៃទី១០ ឧសភា មានអ្នកបើកបររថយន្តដឹកដីម្នាក់បានចុះទៅបត់ជើងក៏ប្រទះឃើញសពបុរសរងគ្រោះម្នាក់ខាងលើនោះស្វិតក្រៀមលែងស្អុយទៅហើយ ដោយសារតែត្រូវកំដៅថ្ងៃ។ បន្ទាប់ពីប្រទះឃើញបែបនេះ អ្នកបើកបររថយន្តរួមនោះក៏បានប្រាប់មេការរណ្តៅដីឧកញ៉ាញឹក ផន ហៅតាកៅ រាយការណ៍បន្តប្រាប់នគរបាល ទើបបង្កអោយមានការភ្ញាក់ផ្អើលកើតឡើងតែម្តង ។
ក្រោយពេលកើតហេតុ សមត្ថកិច្ចកំពុងចុះត្រួតពិនិត្យកន្លែងកើតហេតុ និងស៊ើបអង្កេតស្រាវជ្រាវជុំវិញករណីនេះហើយ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ