តើនរណាក្លាយជាម្ចាស់ស្បែកជើងមាស រវាង Mbappe និង Ben Yedder
ប្រទេសបារាំង៖ កីឡាករ Kylian Mbappe របស់ក្លិប PSG បានក្លាយជាម្ចាស់ស្បែកជើងមាសប្រចាំក្របខ័ណ្ឌ Ligue 1 រដូវកាលនេះ…
ប្រទេសបារាំង៖ កីឡាករ Kylian Mbappe របស់ក្លិប PSG បានក្លាយជាម្ចាស់ស្បែកជើងមាសប្រចាំក្របខ័ណ្ឌ Ligue 1 រដូវកាលនេះ…
ប្រទេសបារាំង៖ កីឡាករ Kylian Mbappe របស់ក្លិប PSG បានក្លាយជាម្ចាស់ស្បែកជើងមាសប្រចាំក្របខ័ណ្ឌ Ligue 1 រដូវកាលនេះ បន្ទាប់ពីការសម្រេចចិត្តរំសាយលីគ ដោយសារតែការរីករាលដាលនេះវីរុសកូវីដ-១៩ ។
កាលពីសប្តាហ៍មុនមន្ត្រីលីគ បានសម្រេចចិត្តរំសាយចោលក្របខ័ណ្ឌ Ligue 1,2 បន្ទាប់ពីអាជ្ញាធរប្រទេសបារាំង បានចេញសេចក្តីសម្រេចថា នឹងមិនមានព្រឹត្តិការណ៍កីឡាណាមួយកើតឡើង រហូតដល់ខែ កញ្ញា ដោយសារតែការឆ្លងរាលដាលនៃវីរុសកូវីដ-១៩ ។
ក្រុម PSG ត្រូវបានប្រកាសជាម្ចាស់ជើងឯកក្របខ័ណ្ឌ Ligue 1 រដូវកាល ២០១៩-២០ ដោយផ្អែកលើពិន្ទុក្នុងមួយប្រកួតគិតជាមធ្យមភាគ មុនពេលការប្រកួតត្រូវបានផ្អាក ។
ស្របពេលដែលខ្សែប្រយុទ្ធ Kylian Mbappe របស់ក្រុម PSG និងខ្សែប្រយុទ្ធ Wissam Ben Yedder របស់ក្រុម Monaco គឺជាកីឡាកររកគ្រាប់បាល់បានច្រើនជាងគេ ដោយមាន ១៨ គ្រាប់ដូចគ្នា ។
ទោះជាយ៉ាងណាក៏ដោយក្របខ័ណ្ឌ Ligue 1 បានបញ្ជាក់តាមរយៈគេហទំព័រផ្លូវការរបស់ខ្លួនកាលពីថ្ងៃព្រហស្បតិ៍ថា កីឡាករ Mbappe ត្រូវបានទទួលស្គាល់ថា ជាអ្នករកគ្រាប់បាល់ច្រើនជាងគេរដូវកាលនេះ ដោយសារតែរាល់គ្រាប់បាល់ទាំង ១៨គ្រាប់របស់គេជាគ្រាប់បាល់បញ្ចូលទីធម្មតា ខណៈ Ben Yedder មាន ៣គ្រាប់បានពីបាល់ពិន័យ ១១ម៉ែត្រ ។ ហើយក្នុងនោះគ្រាប់បាល់ក្នុងមួយប្រកួតរបស់ Mbappe ក៏ខ្ពស់ជាងផងដែរ ពោលគឺ ១៨ គ្រាប់ពីប្រកួត ២០លើក ខណៈដែល Ben Yedder រកពីប្រកួត ២៥លើក ៕ (ដកស្រង់ចេញពី Goal.com)
ចែករំលែកព័តមាននេះ