មិនធម្មតាទេ! ចំណាយខ្ទង់ពាន់ដុល្លារចាក់បបូរមាត់ធំជាងធម្មជាតិដល់ទៅ៤ដង(វីដេអូ)
ប្រទេសប៊ុលហ្គារី ៖ តាមប្រភពព័ត៌មាន Oddity Central បានឱ្យដឹងថា Andrea Emilova Ivanova អាយុ…
ប្រទេសប៊ុលហ្គារី ៖ តាមប្រភពព័ត៌មាន Oddity Central បានឱ្យដឹងថា Andrea Emilova Ivanova អាយុ ២២ ឆ្នាំមកពី ក្រុង Sofia ក្នុងប្រទេសប៊ុលហ្គារី មានបបូរមាត់ធំជាងបបូរមាត់ធម្មជាតិដល់ទៅ៤ដង ក្រោយពីធ្វើការចាក់បបូរមាត់ (Lips Filler) អស់២០ដង។
នារីវ័យក្មេងរូបនេះ ដែលត្រូវបានគេហៅថា ជាតុក្កតាកូនក្រមុំ Barbie មែនទែន បានចំណាយលុយរាប់ពាន់ដុល្លារទៅលើការចាក់បបូរមាត់ ហើយនាងថានឹងបន្តចាក់ទៀតនៅពេលខាងមុខ។ នាងមិនប្រាកដថា មាត់របស់នាងពេលនេះ គឺធំដាច់គេនោះទេ។ បើទោះបីជានាងទទួលបានការនិយាយអាក្រក់ៗពីអ្នកដទៃ ទៅលើមាត់របស់នាងក៏ដោយ នាងនៅតែចង់ឱ្យបបូរមាត់នាងធំជាងនេះ។
នាងបាននិយាយថា៖ «មានអ្នកខ្លះពេញចិត្តនឹងខ្ញុំពេលមានបបូរមាត់ធំ ខណៈដែលអ្នកខ្លះចូលចិត្តខ្ញុំពេលមានបបូរមាត់តូច។ តែវាមិនប៉ះពាល់ដល់ការសម្រេចចិត្តរបស់ខ្ញុំឡើយ។ សំខាន់គឺខ្ញុំចូលចិត្តវាឬអត់? ខ្ញុំមិនអាចបញ្ជាក់ថា វាធំប៉ុនណានោះទេ តែខ្ញុំគិតថាការធំ ឬតូច គឺគ្មានការកំណត់នោះទេ»។
ក្រោយពីបានចាក់បបូរមាត់១៥ដង កាលពីឆ្នាំមុន នាងចាត់ទុកវាជាការធ្វើឱ្យទាន់សម័យ។ នាងប្រាប់ថា គ្រូពេទ្យរបស់នាងមិនបានកំណត់ការចាក់ប៉ុន្មានដងនោះទេ។ នាងថា អ្នកចង់ចាក់ប៉ុន្មានដងក៏បានដែរ ឱ្យតែទុកគម្លាត២ខែម្តង៕ ដកស្រង់ចេញពីវេបសាយ ៖ odditycentral (កែសម្រួលដោយ ៖ បុប្ផា) ប្រភពវីដេអូ ៖ Times News
ចែករំលែកព័តមាននេះ