បរទេស ៖ តារាចម្រៀងលំដាប់ពិភពលោកនាង Adele ដែលប្រិយមិត្តនៅស្រុកខ្មែរស្គាល់ជាងច្បាស់តាមរយៈបទចម្រៀងដ៏ល្បី «Rolling in the deep» បានបង្ហាញខ្លួនសារជាថ្មីម្តងទៀតជាមួយនឹងរូបរាងស្លីមខ្លាំងបំផុត…
បរទេស ៖ តារាចម្រៀងលំដាប់ពិភពលោកនាង Adele ដែលប្រិយមិត្តនៅស្រុកខ្មែរស្គាល់ជាងច្បាស់តាមរយៈបទចម្រៀងដ៏ល្បី «Rolling in the deep» បានបង្ហាញខ្លួនសារជាថ្មីម្តងទៀតជាមួយនឹងរូបរាងស្លីមខ្លាំងបំផុត ដែលធ្វើឲ្យអ្នកគាំទ្រ និងមហាជនមើលនាងសឹងតែមើលមិនស្គាល់ ព្រោះនាងធ្លាប់តែមានសាច់ទ្រលុកទ្រលន់ធាត់ធំនោះ ។
កាលពីពេលថ្មីៗនេះនាង Adele បានបង្ហោះរូបរបស់នាងជាច្រើនសន្លឹកនៅក្នុងបណ្តាសង្គម Instagram ដែលត្រូវជាថ្ងៃកំណើតរបស់នាង ជាមួយរូបរាងថ្មី បន្ទាប់ពីតារាចម្រៀងរូបនេះបានធ្វើការសំរាកទម្ងន់អស់រយៈពេលជាយូរ។ នេះបើតាមការចុះផ្សាយរបស់ Dailymail នាថ្ងៃទី ៩ ឧសភា ។
បន្ថែមពីការបង្ហោះរូបថតរបស់ខ្លួនដែលមានដងខ្លួនស្លីមសិចស៊ីនោះ គេក៏បានឃើញតារាចម្រៀងរូបនេះដើរលេងនៅខាងក្រៅជាមូយមិត្តភ័ក្តរបស់នាង បង្កការភ្ញាក់ផ្អើលយ៉ាងខ្លាំងទៅដល់អ្នកគាំទ្រនៅពេលឃើញរូបរាងថ្មីដែលមានជើងស្រឡូន រាងតូចត្រឡឹង ជាមូយនឹងការប្តូរម៉ូដសក់ថ្មី។
គួរបញ្ជាក់ផងដែរថា Adele មកដល់ពេលនេះឈានចូលដល់វ័យ ៣២ ឆ្នាំហើយ ។
តាមរយៈការបង្ហាញនូវរូបរាងខុសគ្នាមេឃនិងដីនេះ បានបញ្ជាក់ពិភពលោកឲ្យឃើញថា «គ្មានអ្វីដែលថាមិនអាចទៅរួចនោះទេ» ៕ ដកស្រង់ចេញពីវេបសាយ ៖ dailymail (កែសម្រួលដោយ ៖ បុប្ផា)
ចែករំលែកព័តមាននេះ