ខេត្តស្ទឹងត្រែង ៖ កម្លាំងគណៈបញ្ជាការឯកភាពស្រុកបូរីអូរស្វាយសែនជ័យ បានចុះបង្ក្រាបទីតាំងស្តុកឈើមួយកន្លែង ដោយរឹបអូសយករក្សាទុកនៅនៅខណ្ឌរដ្ឋបាលព្រៃឈើខេត្តស្ទឹងត្រែង ។ លោកហេង ណាន មេបញ្ជាការកងរាជអាវុធហត្ថស្រុកបូរីអូរស្វាយសែនជ័យថា កាលពីវេលាម៉ោង០៥…
ខេត្តស្ទឹងត្រែង ៖ កម្លាំងគណៈបញ្ជាការឯកភាពស្រុកបូរីអូរស្វាយសែនជ័យ បានចុះបង្ក្រាបទីតាំងស្តុកឈើមួយកន្លែង ដោយរឹបអូសយករក្សាទុកនៅនៅខណ្ឌរដ្ឋបាលព្រៃឈើខេត្តស្ទឹងត្រែង ។
លោកហេង ណាន មេបញ្ជាការកងរាជអាវុធហត្ថស្រុកបូរីអូរស្វាយសែនជ័យថា កាលពីវេលាម៉ោង០៥ និង៤០នាទីថ្ងៃទី៨ ឧសភា កម្លាំងគណៈបញ្ជាការឯកភាពស្រុករួមមានកម្លាំងកងរាជអាវុធហត្ថ អភិបាលរងស្រុក រដ្ឋបាលព្រៃឈើដុងក្រឡ ក្រោមការឯកភាពពីលោកអភិបាលស្រុក បានរឹបអូសឈើប្រភេទសុក្រំលេខ១ ចំនួន១១៩សន្លឹក ដែលឈ្មួញលួចលាក់ស្តុកទុកនៅក្រុមហ៊ុន ជី ជី វើល ស្ថិតក្នុងភូមិកោះកី ឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង។
លោកមេបញ្ជាការស្រុកបន្តថាស្ថិតក្រោមការចុះបង្ក្រាបបទល្មើសព្រៃឈើខាងលើពុំមានអ្នកណាម្នាក់អះអាងឡើយ។ ក្រោយការបង្ក្រាបរឹបអូសបាមឯកភាពប្រគល់ជូនរដ្ឋបាលព្រៃឈើឡុងក្រឡធ្វើការដឹកជញ្ជូនទៅរក្សាទុកនៅខណ្ឌរដ្ឋបាលព្រៃឈើដើម្បីបន្តនីតិវិធី។
មន្ត្រីរដ្ឋបាលព្រៃឈើឡុងក្រឡអោយដឹងថាឈើដែលរឹបអូសពីទីតាំងក្រុមហ៊ុន ជី ជី វើល ខាងលើមានចំនួន១១៩សន្លឹក ជាប្រភេទឈើសុក្រំ មិនទាន់បានធ្វើការវាស់វែងនៅឡើយទេ។ បច្ចុប្បន្ន កំពុងដឹកជញ្ជូនទៅរក្សាទុកនៅខណ្ឌរដ្ឋបាលព្រៃឈើ ៕
ចែករំលែកព័តមាននេះ