ខេត្តកណ្តាល ៖ លោក អាត ចន្ទ័ដារា ចៅក្រមសុើបសួរសាលាដំបូងខេត្តកណ្តាល នៅថ្ងៃទី០៨ ឧសភាសម្រេចចេញដីកាឃុំខ្លួនបុរសជាកូនចុងចិត្តអប្រិយយកកាំបិុតផ្គាក់គំរាមកាប់ឪពុក ដោយត្រូវដាក់ពន្ធនាគារជាបណ្តោះអាសន្ន ពីបទគំរាមគំហែងថានិងសម្លាប់តាមមាត្រា២៣៣នៃក្រមព្រហ្មទណ្ឌដែលប្រព្រឹត្តនៅភូមិតាដោលទី៣ ឃុំអំពៅព្រៃ ស្រុកកណ្ដាលស្ទឹង ខេត្តកណ្តាល កាលពីថ្ងៃទី០៦ ឧសភា វេលាម៉ោង២១ និង១៥នាទី ។
គួរំលឹកថា ជនរងគ្រោះឈ្មោះ ផល្លី ពិសី ភេទស្រី អាយុ៣៨ឆ្នាំ មានទីលំនៅភូមិ តាដោលទី៣ឃុំ អំពៅព្រៃ ស្រុកកណ្ដាលស្ទឹង ខេត្តកណ្តាល ។ ចំណែកជនត្រូវចោទឈ្មោះ ខន ជីវៈ ភេទប្រុស អាយុ២២ឆ្នាំ មានទីលំនៅភូមិ តាដោលទី៣ ឃុំអំពៅព្រៃ ស្រុកកណ្ដាលស្ទឹង ខេត្តកណ្តាល ។
ទាក់ទិនហេតុការណ៍ខាងលើ ត្រូវនគរបាលឱ្យដឹងថា ជនសង្ស័យបានជេរបញ្ចោរប្រមាថមើលងាយជនរងគ្រោះ ដែលជាឪពុកចុង ។ ភ្លាមនោះ ជនរងគ្រោះបានសួរនាំ ត្រូវជនសង្ស័យបានវាយបំផ្លិចបំផ្លាញទ្រព្យសម្បត្តិរបស់ម្តាយក្មេក និងយកកាំបិតផ្គាក់មករកកាប់ជនរងគ្រោះ តែបានអ្នកជិតខាងជួយឃាត់ និងដកយកកាំបិតបាន ។
បន្ទាប់មក ជនរងគ្រោះបានរាយការណ៍ជូនសមត្ថកិច្ចប៉ុស្តិ៍នគរបាលរដ្ឋបាលអំពៅព្រៃ ដេីម្បីយកជនសង្ស័យទៅធ្វើការអប់រំណែនាំ ក្រោយពេលពេលសមត្ថកិច្ចប៉ុស្តិ៍បានធ្វើការអប់រំណែនាំរួច បានឲ្យជនសង្ស័យត្រឡប់ទៅផ្ទះវិញ ពេលទៅដល់ផ្ទះវិញ ជនសង្ស័យបានយកកាំបិតផ្គាក់ខាងលើពីអ្នកជិតខាងវិញហើយកាន់ដេីរទៅឈរមុខផ្ទះជនរងគ្រោះ រួចស្រែកគំរាមថា អញនឹងសម្លាប់ចោលមួយគ្រួសារ។ ភ្លាមនោះជនរងគ្រោះបានទូរស័ព្ទរាយការណ៍ជូនសមត្ថកិច្ចប៉ុស្តិ៍អំពៅព្រៃ។
ចែករំលែកព័តមាននេះ