ខេត្តតាកែវ ៖ ជនសង្ស័យម្នាក់ក្នុងចំណោមបក្សពួក ត្រូវបានកម្លាំងកងរាជអាវុធហត្ថខេត្តឃាត់ខ្លួនបាន ខណៈក្រុមក្មេងស្ទាវទាំងនេះ បានជិះម៉ូតូដេញកាប់កាប់សម្លាប់ជនរងគ្រោះម្នាក់ បណ្តាលឱ្យបាត់បង់ជីវិតនៅក្នុងថ្លុកឈាម កើតឡើងកាលពីវេលាម៉ោង១០និង១៥នាទីយប់ថ្ងៃទី៨ ឧសភា ស្ថិតនៅតាមបណ្តោយផ្លូវលេខ២១ ទល់មុខមន្ទីរការងារនឹងបណ្តុះបណ្តាលវិជ្ជាជីវៈខេត្ត ក្នុងភូមិ៣សង្កាត់រកាក្នុង ក្រុងដូនកែវខេត្តតាកែវ ។
នគរបាលព្រហ្មទណ្ទក្រុងដូនកែវឱ្យដឹងថា ជនរងគ្រោះមានឈ្មោះ ប៉ុល រឿន អាយុ១៧ឆ្នា រស់នៅភូមិចកសង្កាត់រកាក្នុង ក្រុងដូនកែវ ត្រូវក្រុមជនសង្ស័យជាក្មេងស្ទាវយកពូថៅកាប់ជាច្រើនពូថៅ ។ តែក្រោយពេលកើតហេតុ ជនសង្ស័យម្នាក់ក៏ត្រូវបានកម្លាំងកងរាជអាវុធហត្ថខេត្តចាប់ខ្លួនបាន។
ករណីក្រុមក្មេងស្ទាវជិះម៉ូតូដេញកាប់គ្នានេះ យើងមិនដឹងថា ជិះម៉ូតូដេញគ្នាមកពីណានឹងមានទំនាស់គ្នាចេញពីណាមកនោះទេ ។ ប៉ុន្តែដេញកាប់គ្ដូចរឿងភាគចិនយ៉ាងអនាធិបតេយ្យបំផុត ។ ដោយជនររងគ្រោះជិះម៉ូតូមកដល់កន្លែងកើតហេតុ បានបុកនឹងភ្នូកខ្សាច់ឌួលម៉ូតូក៏ត្រូវក្រុមជនសង្ស័យព្រួតកាប់តែម្តង ។
ចែករំលែកព័តមាននេះ