រាជធានីភ្នំពេញ ៖ នៅក្នុងពេលកម្មករកម្មការិនីរោងចក្រកាត់ដេរ កាន់តែច្រើន បានប្រឈ មនឹងការបាត់បង់ការងារ ដោយសារការព្យួរ ឬការបិទដំណើរការរោងចក្រនោះ ក្រសួងជំ នាញពាក់ព័ន្ធ និងវិស័យនេះ ក៏ចាប់ផ្ដើមបណ្ដុះបណ្ដាលជំនាញទន់មួយចំនួនដល់កម្មករ កម្មការិនី ដើម្បីជាទុនក្នុងការដោះស្រាយបញ្ហានៅគ្រាកំពុងមានអាសន្ននេះ ជាក់ស្ដែងជា ជំហានដំបូង ក្រសួងបានបណ្ដុះបណ្ដាលទៅលើរោងចក្រមួយដែលមានបញ្ហាកូដកម្ម បាតុ កម្ម នៅក្នុងវគ្គបណ្ដុះបណ្ដាលកាលពីថ្ងៃទី ៧ខែឧសភា ឆ្នាំ ២០២០ ។
លោក ប្រាក់ ចាន់ធឿន រដ្ឋលេខាធិការក្រសួងការងារ និងបណ្ដុះបណ្ដាលវិជ្ជមាន មានប្រសាសន៍ថា បច្ចុប្បន្ន ពិភពលោកទាំងមូលរស់នៅក្នុងស្ថានភាពនៃការរីករាលដាលនៃជំងឺ COVID-19 ហេតុនេះ សូមបងប្អូនកម្មករនិយោជិតទាំងអស់ជ្រាបអំពីបច្ចុប្បន្នភាពនៃជំងឺ COVID-19 ដែលត្រូវបានចាត់ទុកជាបញ្ហាធំមួយធ្វើឱ្យពិភពលោកខ្វល់ខ្វាយជាខ្លាំង ដោយសារវាធ្វើឱ្យ ប៉ះពាល់ដល់អាយុជីវិតមនុស្ស សេដ្ឋកិច្ច សុខុមាលភាពសង្គម វិបត្តិផ្លូវចិត្ត សង្គមជាដើម ។
លោកបន្តថា នៅក្នុងបរិបទនៃរីករាលដាលការឆ្លងជាសកលនៃជំងឺ COVID-19 រាជរដ្ឋាភិបាលកម្ពុជាបានដាក់ចេញនូវវិធានការបង្ការ ទប់ស្កាត់ នឹងប្រយុទ្ធប្រឆាំងកូវីដ ១៩ ប្រកបដោយប្រសិទ្ធភាពខ្ពស់ ។ ក្រសួងសុខាភិបាលបានធ្វើការយ៉ាងជិតស្និទ្ធ និងហ្មត់ចត់ ដោយផ្ទាល់ជាមួយអង្គការសុខភាពពិភពលោក និងកំពុងបន្តផ្សព្វផ្សាយអប់រំ ស្តីពីជំងឺ COVID-19 នេះដល់ប្រជាជនទូទាំងប្រទេស ដើម្បីផ្ដល់ចំណេះដឹងពីសុខភាពសាធារណៈ លើការបង្ការខ្លួនឲ្យចៀសផុតពីការឆ្លង ។
ក្រសួងការងារ និងបណ្តុះបណ្តាលវិជ្ជាជីវៈ បាន ចេញនូវសេចក្តីណែនាំបន្ថែមជាបន្តបន្ទាប់ ថែមទាំងបានចាត់ក្រុមការងារឱ្យចុះធ្វើ សកម្មភាពផ្សព្វផ្សាយ និងបង្រៀនដល់រដ្ឋបាល ប្រធានក្រុម ប្រធានផ្នែក រោងចក្រ សហគ្រាស ពីវីធីបង្ការទប់ស្កាត់ និងប្រយុទ្ធប្រឆាំងជំងឺCOVID-19 ។
លោកបន្ថែមថា ទោះបីជាជំងឺ COVID-19 ឆ្លងតិចនៅកម្ពុជា ហើយបានជាសះ ស្បើយច្រើនក៏ពិតមែន តែពិភពលោកទាំងមូល ក៏ដូចជាប្រជាជន និងរាជរដ្ឋាភិបាលក៏ នៅតែមានការព្រួយបារម្ភចំពោះរលកនៃការឆ្លងជាថ្មីនៃមេរោគកូវីដ-១៩ នេះ ល្គឹកណាគេ មិនទាន់រកឃើញវាក់សាំងការពារនៅឡើយ ។ ហេតុនេះលោក បានអំពាវនាវដល់បង ប្អូនកម្មករ កម្មការិនីក្នុងរោងចក្រនេះ ត្រូវតែប្រុងប្រយ័ត្ន កុំធ្វេសប្រហែស ភ្លេចខ្លួន និងខិត ខំចូលរួមអនុវត្តនូវរាល់វិធានការរបស់រាជរដ្ឋាភិបាលដែលបានដាក់ចេញ ព្រោះថាវិធាន ការរបស់រាជរដ្ឋាភិបាលគឺជាការគិតគូដល់សុខទុក្ខ ការការពារពីការឆ្លងមេរោគ COVID-19 ការពារផលប្រយោជន៍ជាក់ស្ដែងរបស់បងប្អូនម្នាក់ៗពិតប្រាកដ ស្របតាមសភាពការណ៍ ជាក់ស្ដែង ។
លោកបានស្នើដល់បងប្អូនកម្មករ និយោជិត ដែលធ្វើការនៅរោងចក្រប្រូដឡែននេះ ខិតខំត្រងត្រាប់ស្ដាប់ការបកស្រាយរបស់មន្ដ្រីជំនាញរបស់ក្រសួង ក៏ដូចជាលោកគ្រូអ្នក គ្រូដែលនឹងបង្រៀននាពេលនេះ ។ ការសិក្សារយៈ ២ថ្ងៃនេះ មានលក្ខណៈពិសេសដោយ ឡែក ព្រោះរបៀបរៀបចំការរៀននេះ ប្រើប្រាស់កន្លែងធ្វើការជាថ្នាក់រៀន ខុសពីបទដ្ឋាន សិក្សាផ្សេងៗ ។
យោងតាមរបាយការណ៍របស់សមាគមរោងចក្រកាត់ដេរសម្លៀកបំពាក់ និងស្បែក ជើងកម្ពុជា បានបង្ហាញថា បច្ចុប្បន្នមានរោងចក្រប្រមាណ ១៨០ រោងចក្របានព្យួរការងារ រួចហើយ ហើយរោងចក្រប្រមាណជាង ៦០ ទៀតបានដាក់ពាក្យស្នើសុំព្យួរ ហើយមាន កម្មករប្រមាណ ១៥ ម៉ឺននាក់ហើយបាត់បង់ការងារ និងអាចកើនឡើងដល់ ២០ ម៉ឺននាក់ នៅពេលខាងមុខ ៕
ចែករំលែកព័តមាននេះ