ប្រទេសកូរ៉េខាងជើង ៖ ប្រទេសកូរ៉េខាងជើងកាលពីថ្ងៃទី៨ឧសភា បានថ្កោលទោសដល់សមយុទ្ធយោធាកូរ៉េខាងត្បូង ដោយអះអាងថា ឧបទ្វីបកូរ៉េ បានវិលទៅរកសភាពការណ៍នៃភាពតានតឹង ដែលកើតមានមុនមានការខិតចូលជិតគ្នាអន្តរកូរ៉េឆ្នាំ២០១៨។ ចំណែកលោកគីមជុងអ៊ុនវិញបានផ្ញើសារមួយជូនដល់សម្ព័នមិត្តចិន។ ទីភ្នាក់ងារព័ត៌មានផ្លូវការកូរ៉េខាងជើងKCNAរាយការណ៍ថា…
ប្រទេសកូរ៉េខាងជើង ៖ ប្រទេសកូរ៉េខាងជើងកាលពីថ្ងៃទី៨ឧសភា បានថ្កោលទោសដល់សមយុទ្ធយោធាកូរ៉េខាងត្បូង ដោយអះអាងថា ឧបទ្វីបកូរ៉េ បានវិលទៅរកសភាពការណ៍នៃភាពតានតឹង ដែលកើតមានមុនមានការខិតចូលជិតគ្នាអន្តរកូរ៉េឆ្នាំ២០១៨។ ចំណែកលោកគីមជុងអ៊ុនវិញបានផ្ញើសារមួយជូនដល់សម្ព័នមិត្តចិន។
ទីភ្នាក់ងារព័ត៌មានផ្លូវការកូរ៉េខាងជើងKCNAរាយការណ៍ថា មេដឹកនាំកូរ៉េខាងជើងបានបញ្ជូនដល់ប្រធានាធិបតីចិនលោកស៊ីជីនពីងនូវសារការទូតមួយ ដើម្បីសម្ដែងការអបអរសាទរចំពោះជោគជ័យ ដែលក្រុងប៉េកាំងដណ្ដើមបានក្នុងការតស៊ូប្រឆាំង ការឆ្លងរាលដាលនៃវីរុសCOVID-19 ។
កូរ៉េខាងជើងបានបិទព្រំដែនរបស់ខ្លួន ដើម្បីប៉ុនប៉ងការពារ ការឆ្លងរាលដាលនៃវីរុសនោះ ដែលអាចបង្កគ្រោះមហន្តរាយខាងសុខាភិបាល ក្នុងប្រទេស ដែលហេដ្ឋារចនាសម្ព័ន្ធសុខាភិបាលមានមិនគ្រប់គ្រាន់។ ក្រុងព្យុងយ៉ាងបន្តអះអាងថា ពុំមានអ្នកឆ្លងវីរុសណាម្នាក់ក្នុងដែនដីខ្លួនឡើយ ខណៈការឆ្លងកំពុងកើតមានស្ទើរលើភពផែនដីទាំងមូល។
លោកគីមសរសេរទៅកាន់លោកស៊ីថា ជោគជ័យរបស់ចិន ក្នុងការតស៊ូប្រឆាំងវីរុស នាំឲ្យមានក្ដីរីករាយខ្លាំង ទាំងនៅនៅកូរ៉េខាងជើងដែរ។ លោកបន្តថាលោកបញ្ជូនសារអបអរសាទរ ជូនចពោះបណ្ដាសមាជិកបក្សកុំមុយនីស្តចិន។
ស្ថានភាពសុខភាពរបស់លោកគីមជុងអ៊ុនរយៈពេលជាច្រើនសប្ដាហ៍ ជាកម្មវត្ថុនៃការបញ្ចេញពាក្យចចាមអារ៉ាមនៅឯបរទេស ដោយសារអវត្តមានលោក ក្នុងពិធីថ្ងៃកំណើតរបស់ស្ថាបនិករបបកូរ៉េខាងជើងលោកគីមអីុលស៊ុងដែលជាជីតាលោក។ ក៏៏ទោះបីបណ្ដាសារព័ត៌មានពិភពលោកបានផ្សាយពាក្យចចាមអារ៉ាម ពីភពធ្ងន់ធ្ងរនៃស្ថានភាពសុខភាពលោកគីមជុងអ៊ុន រហូតដល់ថាលោកស្លាប់ទៀតផងក្ដី ក៏កូរ៉េខាងត្បូងគូសបញ្ជាក់ថា គ្មានហេតុផលណាដែលជឿលើពាក្យចចាមអារ៉ាមទាំងនេះឡើយ។
បន្ទាប់ពីសមយុទ្ធយោធាកូរ៉េខាងត្បូង ក្នុងសមុទ្រលឿងក្នុងសប្ដាហ៍នេះមក អ្នកនាំពាក្យម្នាក់របស់ក្រសួងការពារប្រទេសកូរ៉េខាងជើង ថ្លែងថា អ្វីៗបានវិលត្រឡប់ដល់ចំណុចដូចដើម មុនការជួបគ្នាកំពូលកូរ៉េទាំង២ឆ្នាំ២០១៨។ សមយុទ្ធយោធានោះ នាំឲ្យយើងគិតថាសត្រូវគ្រប់ពេលនៅតែជាសត្រូវ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ